29-30 июньдә Балтачта республика Шәҗәрә бәйрәме һәм сабантуй үтте.
Быелгы сабан бәйрәме район халкын һәм кунакларны ике зур чара белән каршы алды. Халкыбызның борынгыдан килгән матур гореф-гадәтләрен гәүдәләндергән сабантуй һәм Шәҗәрә бәйрәме, зур мәйданда берләшеп, җыр-бию, милли бәйгеләр, уеннар, чаптарлар узышы, спорт ярышлары белән үрелеп барды.
Чарада Башкортстан Республикасы Башлыгының Муниципаль берәмлекләр белән үзара эш итү идарәсе баш советнигы Владимир Жебровский, мәдәният министры урынбасары Ранис Алтынбаев, Дәүләт Думасы депутаты Рима Баталова, Дәүләт җыелышы-Корылтай депутаты Рәшит Хәйруллин, ведомстволар җитәкчеләре, район һәм шәһәр башлыклары катнашты.
Шәҗәрә бәйрәме конкурсында быел республиканың төрле район һәм шәһәрләреннән 200гә якын кеше катнашты. Алар дүрт юнәлештә — “Шәҗәрә”, “Яшь килен”, “Гаиләм - минем кальгәм” һәм “Ялан ашы” конкурсларында көч сынашты.
Бәйрәм турында тулырак гәзитнең алдагы саннарында укыгыз.
Юлия ТӨХБӘТУЛЛИНА.
Фотода: Балтач районының Нөркә авылы биләмәсе тирмәсе янында.
Автор фотосы