Уфалы Рафаэль Исхаков протез аякта Себер тауларының иң биек ноктасын яулады!
Әфганстан сугышында фугас шартлау нәтиҗәсендә имгәнгән Рафаэль Исхаковның Белуха тавына менәргә җыенуы турында инде язган идек. Якташыбыз әлеге хыялын чынга ашырды. Бу хакта "Башинформ" мәгълүмат агентлыгы яза.
Якташыбыз - Русиядә бу биеклекне протез аяк белән яулаучы бердәнбер кеше! Ул катлаулы һәм хәвефле 4509 метр юлны үтте.
Моңа кадәр якташыбыз тагын да биегрәк булган Эльбрусны яулаган иде.
Фото "Башинформ" мәгълүмат агентлыгы сайтыннан алынды.