1 июльдә Стәрлетамак шәһәрендә пенсия яшен күтәрүгә каршы митинг узачак. Шәһәр хакимияте Профсоюзлар федерациясе оештырачак чарага рөхсәт биргән.
Билгеле булуынча, Уфа шәһәре хакимияте бу көнне башкаланың Спорт сарае янында митинг үткәрергә рөхсәт бирмәгән иде. Ул вакытта анда ярминкә була, дигәннәр һәм чараны төшке вакытка, Черниковкага Химиклар мәдәният сарае янына күчерергә тәкъдим иткәннәр. Ләкин профсоюзлар митингны Спорт сарае янында 12 июльдә уздырырга ниятли.