Яқинда Саратов вилоятида кўз кўриб қулоқ эшитмаган ачинарли воқеа содир бўлди. Шахси маълум қилинмаётган эркак маст ҳолда ўзганинг автомобилини олиб қочганди, деб ёзади Нordiq.uz нашри.
Полициячилар кетидан тушишди. Ниҳоят етиб олиб уни қўлга олишди ва полиция машинасига ўтқазишди. Шу тобда машина ўғриси сира кутилмаганда полиция ходимларидан бирига ташланиб, бир қулоғининг ярмини узиб олди.
Айни пайтда машина ўғриси қўлга олинган. Унга нисбатан жиноий иш қўзғатилган. Полиция ходимига етказган моддий, маънавий ва жисмоний зарар учун уни камида ўн йил муддатга озодликдан маҳрум этишлари мумкин.