Сиздин салмак таштай албай жүргөнүңүзгө көп болдубу? Эгерде бул суроого “ооба” деп жооп берген болсоңуз, бул диета сизге жардам берерине ишенүүгө болот. Анткени, бул диета аркылуу сиз 3 күндө 3 кило салмак таштайсыз. Ары карай уланта турган болсоңуз апта ичинде 6 кило ашыкча салмактан арыла аласыз. Болгону тамактануу тартибине ашыкча тамакты кошуп койбосоңуз болду. Диетаны кармоодогу эң негизги шарт да ушул экенин унутпоо керек.
Диетаны баштардан мурда сулууларда төмөндөгүлөр болбоого тийиш:
· өнөкөт оорулар;
· ашказан жарасы, панкреатит, өт оорулары;
· акыркы бир жума аралыгында грипп менен ооруй элек болсоңуз жана операция жасатпаган учурда диета кармасаңыз болот;
· кош бойлуу жана бала эмизүү мезгилинде;
· организмиңизде гормоналдык бузулуулар бар болсо;
· нерв системаңыз катуу чарчаган болсо,бул диетаны колдонбоого кеңеш беребиз.
Себеби, үч күндүн ичинде дароо салмак таштоо үчүн ден соолуктун мыкты, ары иммунитеттин күчтүү болушу маанилүү.
Биринчи күн
Эртең менен ач карын жарым литр газдалбаган суу ичиңиз.
Эртең мененки тамак: бир кашык бал же какао салынган бир стакан сүт.
Түшкү тамак: 200 грамм кайнатылган тооктун төш эти, жаңы жашылчалардан жемиштерден салат. Салатка зайтун майын кошкон туура.
Бештеги тамак: 250 мл майсыз йогурт.
Кечки тамак: жашылчалардан жасалган шорпо (1,5 литр суу, 1 пияз, 0,5 кг сабиз менен 0,5 кг помидор, татымалдар). Ушундай шорподон каалаганыңызча ичсеңиз болот.
Уктар алдында: Бир стакан айран.
Экинчи күн
Эртең менен ач карын жарым литр газдалбаган суу ичиңиз.
Таңкы тамак: 150 грамм майсыз сүзмө же 100 мл майсыз каймак.
Түшкү тамак: жашылчалардан даярдалган шорпо.
Бештеги тамак: эки даана грейпфруттун ширеси.
Кечки тамак: 200 грамм мешке бышырылган балык же тоок эти, жашылчалардан салат.
Үчүнчү күн
Эртең менен ач карын жарым литр газдалбаган суу ичиңиз.
Таңкы тамак: бир кашык бал же какао кошулган бир стакан сүт.
Түшкү тамак: 300 грамм жашылча салаты, йогурт же айран ичүүгө болот.
Кечки тамак: 300 грамм жашылча салаты же 200 грамм бууга бышырылган тоок эти.
Эркертүү! Ушул принциптерди сактаганда гана сиз 3 күндө 3 кило салмак таштай аласыз. Бул шарттарды аткарбасаңыз, эч кимге таарына албайсыз. Ошондуктан, арыктоого арналган диетаны туура кармоого аракет кылыңыз. Бул сиздин колуңуздан келет!