БУУнын Кыргызстандагы өкүлчүлүгү милиция бөлүмүндө кыз ала качуунун аягы кайгылуу окуяга менен бүткөнүнө тынчсыздануусун билдирди.
БУУ тараткан маалымдамада Кыргызстандын бийлигин кыз ала качууну токтотуу үчүн бардык чараларды колдонуп, эл аралык макулдашуулар менен мыйзамдардын аткарылышын талап кылат.
“Мажбурлаган нике адам укуктарын бузат. Бул – коомдун өнүгүшүнө терс таасирин тийгизет. Кыз ала качуунун Кыргызстан маданияты менен салтына эч тиешеси жок. Бул – бир гана алсыз адамдардын укугун тебелөө”, - деп айтылат маалымдамада.
БУУнун маалыматында, Кыргызстанда 24 жашка чейинки кыздардын 13,8 пайызы мажбурлоо жолу аркылуу турмушка чыгат. Уюм өлкөдө кеңири тараган мыйзамсыз тажрыйбаны жоюу үчүн Кыргызстан менен 2022-жылга чейинки кол коюлган программанын иш жүзүнө ашырылуусуна колдон келишинче жардам берерин билдирген.