Сыр деген эмне? Элге эмнени айтууга болгон жана айтылбай турган кандай сыр болушу мүмкүн? Тизмеге көз жүгүрткөн адам кээ бири менен сөзсүз макул болот. Айтууга болбой турган биринчи купуя: келечекке түзгөн план. План толук кандуу орундалмайынча ал тууралуу үн катпоо керек. Адамдын ар бир ою башында алсыз болуп турат. Ыңгайлуу жерден себебин таап, жакшы идея чыгарып алууга болот.
Экинчи сыр: кайрымдуулук иштер тууралуу эч кимге айтпоо керек. Кайрымдуулук иш – жер бетиндеги сейрек кездешүүчү көрүнүш, ошондуктан аны көздүн карегиндей сактоо керек. Өзүңүздү жакшылык жасаганыңыз үчүн ашыкча мактабаңыз. Мактоо адамды текеберликке жетелейт.
Үчүнчү сыр: чынчыл экениңизди көпчүлүккө айтпаңыз. Тамак, уйку, күлкү, төшөк катнашына тиешелүү чектөөлөрүңүздү эч ким белбегени туура. Мүнөздүн чектөөсү маанайдын такыбалыгы менен шайкеш келгенде гана пайдалуу.
Төптүнчү сыр: жасаган эрдик, баатырдыгыңыз тууралуу үн катпаңыз. Ар бир адам күндө ар кандай окуяларды башынан өткөрөт. Бирөө билектин күчү менен жеңип жатса, бирөөнүн акылы ашат. Күч менен жеңген адамдын эрдиги тез бааланат. Ички салгылашууну эч ким байкай бербейт. Ошондуктан, ал үчүн эч ким сыйлык бербейт.
Бешинчи сыр: руханий жактан бийик экендигиңиз менен мактанбаңыз. Раханий байлык бир гана сиздики. Аны эч кимге айтып аброй жыйнай албайсыз. Айланаңыздагы адамдардын чындап муктаждыгын көрсөңүз гана четин чыгарып айтыңыз.
Алтынчы сыр: үйдөгү уруш-талаш менен үй-бүлөлүк жашоо тууралуу айтуунун кереги жок. Эсиңизде болсун: үй-бүлөңүздөгү уруш тууралуу канчалык аз айтсаңыз, анын ынтымагы бекемделе түшөт. Уруш-талашты көп талкуулаган сайын ага өзүңүз көбүрөөк ишене баштайсыз.
Жетинчи сыр: мурда уккан жаман сөздөр тууралуу айта бербеңиз. Көчөдө жүрүп бут кийимди булгап алууга болот. Ал эми кээде акыл-ойду да булгап алгандар бар. Жолдо келе жатып уккан бир жаман сөздү үйгө келип айткан адамдын босогодон аттап, булганыч бут кийим менен төргө өткөн адамдан айырмасы жок.