Кытайда Рамазанга тыюу салып, мусулмандарды чочко этин жегенге мажбурлоодо.
Коңшу Кытай өлкөсүндөгү мусулмандарга көрсөтүлүп жаткан кысымдар тууралуу көп жолу айтылып да, жазылып да жатат. Жергиликтүү басма сөз басылмалары менен катар, дүйнөлүк ЖМКлар да бул темаларга бир нече макалаларын жазышты. Бирок, андан Кытайдагы мусулмандардын абалы жакшырып кетти деп айтуу кыйын.
Бир нече жыл катарынан Кытай бийлиги мусулмандардын диний жөрөлгөлөрдү карманууга тоскоолдук жасап, түрдүү мыйзамдар менен тыюу салып келүүдө. Буга чейин мечиттерди бузуп, касиеттүү Куранды өрттөгөн борбордук бийлик, мына беш жыл катарынан Рамазан айында кысымдын ар кандай түрүн арттырууда. Алар мусулмандар орозо кармабаш үчүн түрдүү кыйтырлыктарга барууда.
Атап айта турган болсок, алар Рамазан айында атайын жалпыга ортодо түшкү тамакты ичүүгө милдеттендирген. Түшкү тамакты ичүүдөн баш тарткан адам жоопкерчиликке тартылып, ал тургай “тарбиялоо лагерлерине” да жөнөтүлөт. Түшкү тамакка муну менен катар Ислам дининде арам болуп саналган чочконун эти кошулуп, суусундук катары алкоголдук ичимдиктерди ичүүгө мажбурлап жатат. Мындай тажрыйба 2015-жылдан баштап жүзөгө ашып келет.
Бул маалыматтарды Эл аралык диний эркиндик жөнүндөгү комиссия (USCIRF) өкүлдөрү кабарлады. Ал эми Эл аралык Уйгур Конгрессинин мүчөлөрү, эртең мененки “бийлик үчүн” деген ураан менен бир стакан ичимдик ичүү да бир нече жыл катарынан ишке ашып келерин маалымдады.
“Аталган кысымдардын баардыгы мусулмандардын диний эркиндигине тоскоол жаратып, аларды түрдүү коркутуулар менен тап берүүдө. Мисалы, жашыруун түрдө Орозо кармоо менен Куран окуу адатка айланган”, - дейт Конгресс изилдөөчүсү Акбар Ахланди.
Алар: кысым СУАР аймагында абдан активдүү жүрүүдө дешет.