Кытайда укук коргоо органдарынын кызматкерлери 118 баланы асырап алган жаранды темир торго камады. Көп балалуу эне кылмыштык укук бузуу жасады деп айыпталып жатат.
Ли Лицзюань аттуу кытайлык аял бала асырап алуу маселеси менен 22 жыл мурун алектене баштаган. Ал тургай 11 жыл өткөн соң жеке менчик балдар үйүн курууну максат кылган.
Бирок, Ли кайрымдуулук иш-чараларын өз пайдасына жасай баштаган.
Укук коргоочулардын айтымында, балдар үйүнүн жетекчиси асыранды балдар аркылуу аткаминерлерди коркутуп, опузалоо иштери менен алектенгени үчүн шектүү катары каралып жатат.
Ли Лицзаюндын балдар үйү жабылып, андагы 74 бала мемлекеттин камкордугуна өттү.
Мындан тышкары, балдардын кээ биринин ата-энеси бар болуп чыкты.