Кыздырабыз! Башта маринадка салабыз.
Аш серкәсе белән
2 килограмм иткә 5-6 баш суган турала, 10-15 грамм кызыл борыч, 70 грамм аш серкәсе, 10-15 грамм кара борыч һәм тоз салына.
Майонез белән
2 килограмм иткә 800 грамм майонез, 2 зур лимон, 1 баш сарымсак, дәфнә яфрагы, тоз, борыч тан әзерләнә.
Шәраб белән
2 килограмм иткә 3 баш суган, Прованс үләннәре, ¼ литр кызыл шәраб, тоз һәм башка тәмләткечләр салына.
Киви белән
2 килограмм иткә 6-7 баш суган, 2 стакан минераллы газлы су, 1 кивины чистартып, кыргычтан кырырга, кара борыч, 3 дәфнә яфрагы өстәргә.
Ананас белән
2 килограмм сыер итенә: блендерда изелгән1 зур ананас, 1 баш сарымсак, 3 кашык үсемлек мае, 200 миллилитр шәраб серкәсе, туралган 3 баш суган, 3 калак киптерелгән орегано үләне, тоз кирәк. Әлеге маринадка салынган итне 3 сәгатьтән соң кыздырырга ярый.
Томат пастасы белән
2 килограмм иткә 80 миллилитр аш серкәсе, 5-6 баш суган, 1 лимон, 200 грамм томат пастасы, 100 миллилитр ак шарәб, дәфнә яфрагы, кара борыч, тоз кирәк. Итне 3 сәгатьтән соң кыздырырга була.
Анар суты белән
2 лимон, 2 кашык үсемлек мае, 1-1,5 литр анар суты, кинза үләне, 3 баш суган, кориандр, кара борыч, тоз кирәк. Бу маринадта итне 8 сәгатьтән соң кыздырырга ярый.