Hozirgi kunda android tizimi juda rivojlanib bormoqda. Dunyoning deyarli barcha smartfon va gadjetlari ushbu tizim orqali ishlaydi. Balkim qo'lingizda turgan smartfon ham android tizimi orqali ishlar :) Ko'pchilik buni farqiga bormaydi. Agarda qo'lingizdagi telefonda yuqoridagi rasm va yozuv bo'lsa Sizning telefoningiz aynan android tizimi orqali ishlaydi :) Biz kuniga android tizimida ishlovchi telefonimizdagi Play Market (ba'zilar Google play deb nomlashadi) orqali o'nlab dastur, o'yinlarni yuklab olamiz. Hech o'ylab ko'rganmisiz bu dastur va o'yinlar qanday yaratilarkin deb? Bu ishni amalga oshirish juda murakkab uni faqat yuziga husn buzar toshgan geniy dasturchilar qiladi deb o'ylaydiganlar juda ko'p topiladi :) Balki Siz ham shunday o'ylayotgandirsiz? Lekin bu jarayon Siz aytganchalik murakkab emas. Buni xatto maktab bolasi ham amalga oshirishi mumkin. To'g'ri o'ta murakkab dastur yarata olmasligi mumkin ammo ilojsiz narsa emas. Biz tabiatan shunday yaratilganmiz tushunmagan narsamiz bizga ilojsizdek tuyuladi lekin ozgina harakat qilsak bu narsa biz o'ylaganchalik qiyin emasligini tushunib yetamiz. Keling endi biz ham android tizimida ishlovchi telefonimizga kichikroq bir dastur tuzib ko'ramiz. Buning uchun 6ta bosqichdan o'tamiz va oxirida dasturimizni sinab ko'ramiz. Bizga android tizimida ishlovchi dastur yaratishimiz uchun RAD Studio nomli dastur kerak bo'ladi. Bu dasturni mana bu manzil orqali yuklab olishingiz mumkin. Agar dasturni o'rnatib bo'lgan bo'lsangiz ishni boshladik!
1-bosqich: Android dasturni formasini hosil qilib olamiz
Buning uchun dasturning quyidagi ketma-ketlikdagi menyusiga kiramiz:
1. File > New > Multi-Device Application - C++Builder
va quyidagi oyna hosil bo'ladi:
2. Yuqorida ko'rsatilgan oynadan Blank Application ni tanlab OK tugmasini bosamiz.
va quyidagi oyna hosil bo'ladi:
3. Project Manager bo'limidan Android bandini tanlaymiz.
2-bosqich: Stil tanlaymiz
1. Style menyusidan android bandini tanlaymiz.
3-bosqich: Komponentalarni Multi-Device formasiga joylashtiramiz
Buning uchun quyidagi ketma-ketlikni bajaramiz:
1. Tool Palette oynasidagi Standart bo'limi yonidagi plus (+) ni bosamiz.
2. TEdit bandini topib sichqonchani chap tugmasini ikki marta bosamiz.
3. Buni yana takrorlaymiz ammo endi TLabel va TButton bandlariga bosamiz.
4. Formada hosil bo'lgan matn kiritish yo'lagi ya'ni Edit ni tanlab Object Inspector oynasidagi KillFocusByReturn xossasiga True qiymatini beramiz.
5. Formada hosil bo'lgan Button knopkasini ustiga bosamiz va Object Inspector oynasidagi
Text xossasiga "Say Hello" deb yozib qo'yamiz. (Buni o'rniga boshqa biror narsa yozib qo'ysangiz ham bo'ladi)
4-bosqich: Proyektimizga ko'rinish qo'shamiz
1. Views bo'limidan o'zingizga yoqgan qurilmani tanlashingiz mumkin
Faqat View menyusi bilan Views ni adashtirib yubormang!
5-bosqich: Foydalanuvchi tomonidan knopka bosilganda biror hodisa yuz berishi uchun proyektimizga kod kiritamiz! Let's coding!
Buning uchun Formadagi knopkaga ikki marta bosamiz. Keyin bizga kodlash oynasi ko'rsatiladi. RAD Studio dasturi bizga kodni skeletini allaqachon yozib bergan. Bizning qiladigan ishimiz quyidagi 1 qator kodni yozib qo'yishdir:
Label1->Text = "Hello " + Edit1->Text + " !";
6-bosqich: Dasturni ishga tushiramiz!
Mana so'nggi bosqichga ham yetib keldik! O'ylaymanki Siz uchun bu bosqichlar qiyin bo'lmadi!
Endi esa tuzib chiqqan dasturimizni ishga tushiramiz. Buning uchun yuqoridagi menyudan RUN buyrug'ini tanlaymiz.
Dasturimizni Test qilib ko'ramiz!
Agarda tuzgan dasturingiz quyidagicha namoyon bo'lgan bo'lsa Sizni tabriklayman!
Mana hamma bosqichlardan o'tib bo'ldik va android tizimida ishlovchi dastur tuzdik! To'g'ri bu dastur unchalik ham zo'r emas ammo biz androidda dastur tuza olishimizni isbotladik. Bundan keyin yana ozroq bu haqida ma'lumot va darslar olsangiz albatta juda zo'r dasturlar tuzadigan bo'lasiz. Bunday ma'lumotlarni qayerda olaman deysizmi? Aynan shu yerdan mana shu kanaldan! Bu hali boshlanishi keyinchalik androidga o'yin yasashni ham o'rganamiz. Telegram kanalimizga qo'shiling va Sizdan yagona iltimos bu maqolani do'stlaringizga ham tarqating. Sababi qancha ko'p talab bo'lsa biz ham shuncha darslarni ko'paytiramiz. Do'stlaringiz bilan dasturlashni o'rganing bu aslo qiyin emas aksincha qiziq!!!
Maqola linki: http://bit.ly/androiddasturlash
Savol va takliflaringiz bo'lsa:
E-mail: proglessuz@gmail.com
Telegram kanalimiz: @qiziqarlidasturlash