"Шулдыр Ӝытлы" - 40 ар

Отзыв о юбилейном коннцерте ансамбля "Шулдыр ӝыт" Удмуртской государственной филармонии. Опубликован в инстаграме: https://www.instagram.com/p/BcC6jcjlxvg/

Мынам со ӝытэ планшетэ дорам кылиз, соин Иван Белослудцевлэсь ӵуж пенжаксэ пуктытэк кыли. Но мама телефоназ со но та пуктылэм, ӟечок! Озьыен, "Шулдыр ӝыт" юбилей концерт сярысь.
Кык люкетлэсь вал. Нырысетӥез мыным туж кузь потӥз, нош кыкетӥез - укыр вакчи :). Кутсконаз коллектив азьвыл артистъёссэ поттаз. Кылсярысь, Михаил Ворончихинэз. Мон понна со зэмос кизили, нош "Тон шедьтод-а" гурез коть 70-тӥ аръёсы, коть 2017-тӥын - ялан хит.
Филармониын ужай бере, мон учкисько сопереживать карыса. Галина Платонова кыӵе кырӟанэн потоз? Уз-а вунэты кылъёссэ Владимир Мальцев? Уз-а усьы бергакуз Павел Васильев? :) Кытын Анна Плотникова? Зэмзэ вераса, мон со сярысь вунэтӥ (1-тӥ отделенилэн пумаз потӥз): сокем выйи Ушаковъёслэн династиязы. Нош Геннадий Ганьков мыным ӧз тырмы. Эшшо ӧз тырмы Вячеслав Дуркин. Воксё со кадь йӧно етӥз воргоронъёс уг тырмо туала удмурт эстрадаын.
Малпасько, #ШулдырӜыт усьтӥськиз концертлэн 2-тӥ люкетаз.

Угось соку егит артистъёслэн репертуарзы шараяськиз. Мон адӟи выль коллективез, валай солэсь шӧмзэ. Пиос пӧлысь Андрей Камалтдинов но Иван Белослудцев со выль тусэз кылдыто, учкись соосты ӟеч пумита (кышноос гинэ уг) - та ӟеч пус. "Учкы синъёсам" выль дуэтсы визитной карточка порма луиз. Куараоссы ненегесь, образъёссы но :).

Соослы ваче пумит пуксе аслаз Наталья Ушаковалэн образэз. Со драматической кырӟась - и со коллективын али сыӵе огназ, зол эмоциос кузьмась. Юнме-а "Яратон" кырӟанэз бере мамае сцена вылэ потаз (Анна Зуева-Измайлова тодосчи Татьяна Чернова кылбурчиез лирико-драматической автор шуэ)? Мылкыдзэ бугыртӥз иське. Мыным но "Яратон" кырӟан кельше, эшшо ик Ксения Ахметхановаен дуэтын.

Н. Ушакова вӧзын Эльвира Алексеева - лирической кырӟась, кытӥ-отӥяз элитарной но шуысал: но туала эстрадаын Элялэн интыез аслаз, кылзӥсез но эстэт :). Э. Алексеева концертэз чеберматӥз ас сяменыз. Конечно, мон шуо на, мыным ӧз тырмы Света Ручкина, ну ярам ни :).

Шонерак верало, Ольга Стерхова но Евгения Сунцова егит кырӟась нылъёс коллективын чебер фон луо. Но мон тодӥсько, ӵапак чылкыт куараоссы юртто планкаез возьыны (Е. Сунцова эшшо ик куараосты партиосъя люкылӥсь луэ). Мон "Шулдыр ӝытэз" гажасько, со АНСАМБЛЬ шуыса (и не сумбль-самбль:) - соос быгато огазьын чылкыт, чебер, нокыӵе акценттэк кырӟаны (акцент пумысен: министр В. Соловьев дэмлаз В. Мальцевлы 20 ар ӵоже акценттэк кырӟамез понна калык артист ним сётыны :). Трос-а милям сыӵе коллективмы? Ӧвӧл, дыр. Бигеръёслэн, Лариса Дмитриева шуэмъя, воксё но ӧвӧл.

Нылъёс сцена вылын синэз шумпотто: "ныллюкам" котьку филармониысь удмурт концертъёслэн фишкаез вал. Удмурт гёрл-бэндъёс ӧвӧл. Эшшо ик соос чебересь луыны кулэ (куараен гинэ ӧвӧл). Тодӥсько, Н. Ушакова трос саклык висъя дэремъёслы, эктонъёслы. Вопшем, мон рекомендую тӥлед "Шулдыр Ӝытэз". Ванялэн выль ӵуж пенжакез, тӥ сое адӟыны кулэ :) Выль ар концерт луоз ӝӧкен, эктонъёсын. Кин мынысал? Мынам корпоративе уз луы бере, мынам потэ :) Ойдолэ монэн.

Выль ар концерт ортчоз 22-тӥ толсуре 18 часын, дуныз 400, 1000 манет. Татын: http://www.udmfil.ru/collectives/140