Псалом обращение к Господу, поможет обрести уверенность, поможет избавится от страха и беспокойства в каком то вопросе, стать увереннее на экзамене или в трудоустройстве, сделать предложение возлюбленной или возлюбленному. Поможет обрести избавление от испуга, избавление от страха. С Божией помощью.
Псалом 84:
Благоволил еси, Господи, землю Твою, возвратил еси плен Иаковль. Оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев Твой от рода в род? Боже, Ты обращься оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему. Обаче близ боящихся Его спасение Его, вселити славу в землю нашу. Милость и истина сретостеся, правда и мир облобызастася. Истина от земли возсия, и правда с Небесе приниче, ибо Господь даст благость, и земля наша даст плод свой. Правда пред Ним предъидет, и положит в путь стопы своя.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуия, слава Тебе, Боже.
Аллилуиа, аллилуиа, аллилуия, слава Тебе, Боже.
Аллилуиа, аллилуиа, аллилуия, слава Тебе, Боже.
Господи, помилуй.
Господи, помилуй.
Господи, помилуй.
