Комсомолга - 100 яшь! Сагынып искә алдылар (Фотолар)
Бүген Ленин комсомолына (ВЛКСМга) - 100 яшь! Шушы уңайдан район үзәкләштерелгән китапханәләр челтәрендә әлеге датага багышланган бәйрәм чарасы булып үтте.
Тантаналы чарада төрле елларда комсомолда җитәкче вазыйфаларда эшләгән һәм комсомолда тәрбияләнгән Илгиз Галиуллин, Рәшит Фәсхиев, Сәлмән Галиев, Роберт Галиәхмәтов, Заһир Һадиев, Роберт Арсланов, Илдар Мөбинов, Тәнзилә Садыйкова, Зөлфия Мәхмүтова, Рафаэль Яруллиннар катнашты һәм чыгыш ясады. Алар чыгышларында романтикага бай яшьлекләрен сагынып искә алдыдлар. Истәлек-хәтирәләр укучы балаларыбыз - Алинә Җангалиева, Морат Галләмов, өлкән буын үзешчән артистларыбыз Мәүгыйзә Зыятдинова, Тәнзилә Садыйковаларның күңелләрне җилкендергән дәртле җыр-биюләре белән үрелеп барды. Чараны килешле һәм аһәле итеп, яшьлегендә үзе дә Саба районы комсомол комитетында эшләгән Резидә Дәүлиева-Хәйдәрҗанова алып барды.
Бу хакта сез тулырак "Теләче" газетасыннан укый аласыз.