5-бөлім|Елес және жолдау
Кеше класс жетекшіміз "ертең бәрің әдемі боп, қыздар бантик, ұлдар галстук тағып келіңдер" - деген. Себебі бүгін маңызды күн. Облыстық телеарна бізді түсіруге келеді. Ал ондай жерде әрине біз тәртіпті, ұқыпты, ақылды балалар боп көрінуіміз керек. Апайымыз әсіресе Нұржанға: "айналайын Нұржан! Құдай үшін бір күн болса да тырнағыңды қиып, ұқыпты боп келші" - деп қадап айтты. Телеарна келіп біздің жолдауды тыңдағанымызды, сосын алған әсерімізді сұхбат қып алады екен. Менімен бірге елес те мектепке келді. Кейде елес: "ойпырмай бұрын сенімен сөйлесе алмайтын кезде қалай өмір сүргем?" - деп қояды. Мен де елеске бауыр басып, үйреніп қаппын. Жұбымыз жазылмайды. Оны адамдар әрине көре алмайды. Көрсе де көре алмайтын адамдар, елесті қайдан көрсін? Хош, сонымен бүгін атамыздың кезекті жолдауын тыңдағалы ақ бантигімізді тағып, телеарнаға үлгілі оқушылар боп келдік. Жолдау басталмастан бұрын Лихон жалынды сұхбат берді. Ол өзі білмесе де айта беретін қыз. Оған елес қатты таң қалып; Апырмай-ә жолдау басталмады. Ал ол жолдау туралы сұхбат берді - деді. Бір уақытта елес қызығушылықпен:
- Осы сендердің патшаларынның тақта отырғанына неше жыл болды? - деп сұрақ қойды.
- бұйырса 29 жылдай боп қалады
- ааа, кеше ғана келіпті
- елес осы сендердің патшаларын бар ма?
- бар ғой, бір 8888 жылдай боп қапты
- өләәәә, - дедім таңданып. Көптен күткен жолдау да басталды. Атамыз көбіне орысша сөйлейді. Елестің іші әбден пысқаны соншалық: "ой мынадан тарихшы апайларыңның сабағы қызық қой." - деді. Түүүш елес мұнда сөйлеуге болмайды деймін.
- мені кім естиді. Ал сені жынды деп жатқыза салады хе-хе-хе
- елес деймін қоя ғой
- жарайд, жарайд, - деді ол көңілі толмай. Екі сағаттан өткеннен соң: ой лібәәәә мынауын екі тілде сайрап қоймады ғой тура біздің Орнынан Кетпес патшадай - деді.
- елес сендердің патшаларын екі тілде сөйлей ме?
- біздің патшамыз 99 тілде сөйлейді. 100-ші тілін үйреніп жатыр
- өләәә - дегенім сол еді, класс жетекшім маған қарап жұдырығын түйді. Онысы біткен соң дұрыстап сөйлесеміз дегені. Мен сүмірейе қалдым. Жолдау біткен соң класс жетекшім маған ертең ата-анаммен бірге келетін бол деді. Айтуынша жолдау бойы өзімен өзі шулаған оқушы мен екен. рахмет саған елес. Бір күні жынды деп жатқызып қоймаса болар еді.
Жалғасы бар....