күңел түгәрәге кителгән… …бер көләсе иде, элеккедәй –
рә – хәт – лә – неп!
…булмас инде,
Əнкәемнең
күз карашы миннән өзелгән… Лилия РӘ
Бер көләсе иде
элеккедәй рәхәтләнеп,
эчләр катканчы!
Көлеп булмый… көлгән чакны күмгән
Əниемнең кабер капкачы…
Көлү түгел, хәтта елмаюга
җөйләр төйнәп богау эленгән,
кайчангыдыр шаян күзләремә
еллар юмас сагыш күмелгән.
Һәрбер көнем,
hәр шатлыгым хәзер
сагыш иләгеннән сөзелгән.
Тырышып та,
көлеп булмас ахры,
күңел түгәрәге кителгән…
…бер көләсе иде, элеккедәй –
рә – хәт – лә – неп!
…булмас инде,
Əнкәемнең
күз карашы миннән өзелгән…
