Санаи 14 август, Валиҷон Азизов – сарояндаи машҳури Тоҷикистон, иштирокчии Tamoshow Music Awards, падари орзуҳо, меҳмони Лав Радиои Тоҷикистон гашт ва сӯҳбате ҳам дошт.
Сӯҳбат дар доираи барномаи “Дигар ШОУ” бо Фаридун Хайруллозода сурат гирифт.
Маҳз ҳамон шом шунавандагони Лав Радиои Тоҷикистонро тӯҳфаи чолиб интизор буд. Аввалин маротиба таронаи ҷадиди “Куҷоӣ” дар эфири Лав Радиои Тоҷикистон, дар миёни кулли радиоҳои Тоҷикистон пахш гардид. Тавре худи Азизов иброз дошт, тарона ба журналист ва шоир Орзӯ Исоев таълуқ дошта, оҳанг моли Роберт Мирзаян аст. Роберт Мирзаян – оҳангсозест, ки дар Ӯзбекистон кору фаъолият мекунад.
Қариб як моҳ пеш, мо бо Валиҷон дар сомонаи иҷтимоӣ Instagram сӯҳбат доштем ва маълум намудем, ки ӯ он замон дар наворбардории кори тозаи худ дар Тошканд қарор дошт ва зери ҳамин тарона клипи навашро ба навор мегирифт. Ва ҳатто ӯ гуфт барои он Ӯзбекистонро интихоб намудааст, ки коргардонҳои ин сарзамин дақиқкоранд. Дар клипи ҷадидаш ҳунарманд графикаи зиёдро истифода бурдааст. Аммо маблағи сарфкардаашро барои клип, ҳунарманд пинҳон медорад ва мегӯяд бигзор мухлисон баҳо бидиҳанд.
То имрӯз дар кулли сомонаҳои иҷтимоӣ тизери таронаи нав пешкаши мухлисон гардонида шуд. Маҳз дар ҳамин рӯз, дар ҳамроҳи бо тарона, навор дар анкабути ҷаҳонӣ паҳн гардид.
Валиҷон Азизов – инчунин ба бист саволи ровӣ дар бахши Буд-набуд ҷавоб гуфт. Аз ҳама ҷавоби ҷолиб вобаста ба занг аз ҷониби мухлисон дар соати 2 ва соати 3 шаб аз ҷониби мухлисон буд, ки ситора онро инкор накард, аммо гуфт ҳамеша дар ин ҳангом худро ба оила мебахшад ва телефони мобилиашро хомӯш мекунад.
“Мухлисоне зиёде ҳастанд, ки бо муҳаббату ихлоси зиёд тамос мегиранд. Агар дар хоби ноз ҳам бошӣ, ба онҳо ягон сухани қабеҳ гуфта намешавад. Албатта хурсанд мешавӣ ва шукр мекуни, кӣ ҳаминхел мухлис дорӣ. Лекен мутаасифона ман телефони мобилиамро, пас аз ҳамин воқеаҳо хомӯш мекунам. Албатта ба ҳамаи саволҳояшон омодаем ҷавоб бигӯем, фақат соати дуи шаб, не”, - мегӯяд Азизов.
Валиҷон гуфт аз бозиҳои варзишӣ зиёд машғул шудан ба теннисро дӯст медорад, ки ҳангоми бозӣ ҳамеша писарашро бо худ мегирад. Азизов ҳоло соҳиби се духтар ва як писар аст.
“Аз хӯрокҳои миллӣ, зиёд оши туппа ва оши милли тоҷикиро дӯст медорам. Агар сароянда намешудам, шояд ҳоло духтур мебудам. Зиёд дӯст медорам кӯмак карданро. Фарзандонам касби маро шояд пеша накунанд, аммо бо боварӣ метавон гуфт духтур мешаван” – иброз медорад ситора.
Ҳунарманд аз даврони дар гурӯҳи “Эҳсон” қарор доштанаш ва қадамҳои аввалини худ дар ин ҷода қисса намуд. Ва аз ҳама муҳим дар мошини ситора ҳамеша мавҷи Лав Радио фаъол аст.
