Бу хәл төнлә "Боз сарае" тукталышында булган.
Бүген төнлә "Опель Астра" машинасы зур тизлек белән Уфаның "Боз сарае" тукталышына килеп бәрелгән һәм шаурма сатыла торган киоскка барып кергән. Бу хакта "БашДТП" төркеме хәбәр итә.
Бәхеткә, зыян күрүчеләр юк, водитель исән. Аның машина белән ни сәбәпле идарә итә алмавын республиканың ЮХХДИ хезмәткәрләре ачыклый.
Ә тәмле шаурма белән сыйланырга яратучыларга бераз көтәргә туры киләчәк, чөнки киоскны тәртипкә китергәнче вакыт үтәчәк...
Фото: БашДТП