1 сентябрь, Укытучылар көне, 8 март, Яңа ел - бездә бәйрәм саен укытучыларга бүләк бирү йоласы соңгы елларда бик нык "тамырланды". Чәчәк гөлләмәләре хакында гына сүз бармый, әлбәттә.
Алтын чылбыр, алтын алкалар - нинди генә кыйммәтле әйберләр бүләк итми хәзер әти-әниләр балаларының остазларына!
Ә менә Германиядә мәгариф өлкәсе хезмәткәрләре бүләк алырга бик ашкынып тормый. Ни дисәң дә, биредә бу җәһәттән катгый чикләүләр бар. Германиядә укытучы, бәясе 10 евродан кыйммәтрәк бүләк кабул итсә, аны эшеннән бушатулары мөмкин.
Фото: teh.fit.ru сайтыннан.