Батырга да ял кирәк, дигәндәй, Владимир Путин күптән түгел Тывада ял көннәрен үткәрде. Галстугы белән костюмын салып, куртка белән эшләпә кигәч, ул нәкъ гап-гади бер сәфәрчегә әйләнде дә куйды.
Әнә шул куртка тынгы бирми дә инде кайберәүләргә. Янәсе, ул Американың "Abercromble&Fitch" брендыныкы, аңа “Армия России” маркасы логотибын тегеп кенә куйганнар. Президентның матбугат-секретаре бу хакта берни белмәвен әйткән.
Әлбәттә, бу имеш-мимешләр генә Путинның ялын боза алмаган. Ул тауларда, урманда, суда ял иткән, балык тоткан, саф һава сулаган. Аның белән бергә оборона министры Сергей Шойгу да булган.
Фото: Кремлин.ру сайтыннан