10-16 сентябрьгә йолдызлар фаразы.
КУЧКАР. Тормышыңның серле яклары якыннарыңда кызыксыну уятыр. Бу — алар синең өчен борчыла, дигән сүз. Эштә яңа идеяләр тәкъдим итү өчен уңай вакыт түгел.
ҮГЕЗБОЗАУ. Танышулар өчен уңайлы чор түгел. Шулай да борчылма, акрынлап барысы да җайга салыныр. Эшлекле командировкалар, килешүләр нәтиҗәле булыр.
ИГЕЗӘКЛӘР. Яраткан кешеңнең фикеренә колак салырга кирәк. Юл куярга өйрән. Әлегә ял итәргә вакыт җитми, әмма моның карьера үсешенә китерү ихтималы зур.
КЫСЛА. Көтмәгәндә гашыйк булуың бар. Хисләргә ирек бирүдән курыкма. Эштә дә уңыш елмаер, үзгәрешләр кертер вакыт җитте. Җитәкчең белән хезмәт хакын күтәрү турында сөйләш.
АРЫСЛАН. Романтика өчен уңайлы вакыт түгел. Сөйгәнеңнең моңа кадәр сиңа ошаган яклары хәзер, киресенчә, күңелеңә ятмас. Бер-берегездән ял итеп алсагыз да була.
КЫЗ. Шат күңелле, тормыш сөючән булуың яңа танышлар белән элемтә коруга ярдәм итәчәк. Шул элемтәләр алга таба инде күптән омтылганыңа ирешү мөмкинлеге бирер сыман.
БИЗМӘН. Тормышыңда уңай үзгәрешләр башланырга тора. Һөнәри яктан үсү мөмкинлеге ачылачак. Күптән онытылган хисләрең яңарырга мөмкин.
ЧАЯН. Уй-ниятләрең, корып куйган планнарың турында беркем дә белмәгәнлектән, юлыңа төшеп, комачаулаучылар булмаячак. Кемнәрдер өчен ис китәрлек уңышларга ирешәчәксең дигән сүз бу.
УКЧЫ. Башкалардан үзгәрәк уйлый белүең нәтиҗәсендә бу атнада шактый уңышларга ирешәчәксең. Хисләреңне яшерергә, кайбер гадәтләреңне онытырга кирәк булачак. Эшеңдә югарырак баскычка күтәрелү мөмкинлеге күңелеңне җылытачак.
КӘҖӘМӨГЕЗ. Иҗат дәртең сүрелдеме әллә? Курыкма, шулай тоела гына ул. Иң мөһиме — бераз ял кирәк. Килеп туган хәлләрдән файдаланып калырга теләсәң, итагатьлелек, игътибарлылык, сабырлык кебек сыйфатларның кирәк булачагын белеп тор.
СУКОЯР. Эшләреңне беразга онытып торып, гаиләгә тынычлыкны кайгырту хәерлерәк, дип киңәш бирә йолдызлар. Шулай иткәндә генә тормышыңдагы вакыйгалар уңай якка үзгәрер.
БАЛЫК. Алдыңда барлык юллар ачык. Шулардан үзеңә иң кулаен сайлап аласы гына. Аннан соң тыныч күңел белән чираттагы ялга китәргә да була.
Фото: Илир Муллагулов