Окумуштуулар кальян чегүү адам өмүрүнө коркунуч жаратарын аныктады. Ал жүрөктүн согушун басаңдатып, кан басымын көтөрөрү аныкталды. Бул тууралуу doctor.rambler.ru сайты кабарлайт.
Лос-Анджелестеги Калифорния университетинин окумуштуулары кальян чегүүнүн адам ден соолугуна зыян экенин маалымдады. Алар кальяндын зыяндуулугун тамеки менен салыштырууга болорун айтышат.
Алардын сөзүндө, кальян чегүү жүрөк согушун 16 эсеге чейин азайтып, кан басымын көтөрөт.
Ошондой эле, ал жүрөк-кан тамыр ооруларын козгойт.
Окумуштуулардын айтымында, кальяндын түтүнүндө адам ден соолугуна терс таасирин тийгизген химиялык кошулмалар абдан көп.
Өгөй атам зордуктоого аракет кылды
Саламатсыздарбы? Мен кеңеш сурайын деп жазып жатам. Жашым 22де. Жакында бир окуя болду. Өгөй атам мени зордуктоого аракет кылды жана мен аны менен кармаша кеттим. Андан кийин мени алып кетүүсүн айтып, жигитимди чакырдым. Ал келгенде өгөй атам мени союп салууга аракет кылып коркутту. Анын колунда чоң кайчы бар эле, жигитим бизди ажыратып, 102ге чалды. Бирок, эч ким келген жок.
Биз өзүбүз милицияга барып, арыз жаздык. Соттук-медициналык экспертизадан өттүм, ооруканага жатышым керек болду. Бирок, мен иштегендиктен, ооруканага жата алган жокмун.
Кийин ал дагы арыз жазганы белгилүү болду. Эми анын арызы каралып жатат, меники болсо, каралган жок. Буга себеп анын жээни прокуратурада иштеп жатканында болуп жатат.
Эми кайда кайрыларымды билбей калдым. Эгер сенин таасирдүү тааныштарың болбосо, бизде коргоо жок болуп калабы? Мени күнөөлүү кылып койбош үчүн мен анын астына жатышым керекпи? Тергөөчү “эми өлтүрңп салган жок да” деп айтты. Айтыңыздарчы сураныч кайда кайрылсам болот?
Мен өзүмдү жоготуп бара жатам, эмне кылышты билбейм. Апам анын тарабына өтүп кетти, бирок буга чейин ушундай окуя болгон жана баңгизат колдонуп, мени жана менин эжемди зордуктоого аракет кылган. Ошондой эле, өз агасынын кызын зордуктоого аз калган.
Алар бул окуядан кийин сүйлөшпөй калышкан. Мен ага мындан ары менин апам эмес экенин айттым. Мен таптакыр жалгыз калдым. Жакшы юристтер барбы? Мен болгону адилеттүүлүккө жетким келет. Эгер бул маалымат менен бөлүшсөңүз, ыраазы болом, рахмат.
Окумуштуулар лабораторияда өпкө өстүрүүнү үйрөндү
Бул тууралуу Digital Trends кабарлайт. Организм жарым саат сакталып, жаңы ээсине ийгиликтүү түрдө жайгаштырылат.
Америкалык окумуштуулар биринчи жолу өпкө өстүрүү боюнча ийгиликке жетишти. Алардын айтымында, жасалма өстүрүлгөн жана башка адамга жайгаштырылган орган башка денеге жакшы көнүп кетти.
Медицина жаатында мындай ийгиликке Техас университетинин Галвестон Улуттук лабораториясынын адистери жетишкен. Бардык тажрыйбалар адам организмине окшош болгон чочкого коюлду. Изилдөөчүлөр чочконун денесинен өпкөсүн алып, аны атайын резервуарга салып, тиричиликти камсыз кылган аппаратка кошкон. Алардын кубанычына жараша, орган ары карай чоңоюп, өсүүнү токтоткон эмес.
Бир айдан кийин өпкөнү ийгиликтүү түрдө туугандык байланышы жок чочкого салган. Окумуштуулар бардыгы болуп алты өпкөнү алмаштырышкан, бирок кээ бир проблемаларга байланыштуу алардын төртөөсү гана жаңы организмге сиңе алган. Серапчилердин айтымында, бул жаңылык келечекте соо өпкөлөрдү адамга салып, ал тургай жабыркаган ткандарды кайра өстүрүүгө мүмкүндүк берет.