Дәүләт думасы тагын бер яңалык әзерли: яңа өйләнешүчеләр өчен никах контрактын мәҗбүри итәргә телиләр.
Ул аерылышкан вакытта, милек бүлгәндә, опекунлык мәсьәләсен хәл иткәндә туган проблемаларны җиңел хәл итәргә ярдәм итәчәк, ди. Проект авторлары, бу документ ЗАГС бүлекчәләрендә бушлай рәсмиләштерелергә һәм мәҗбүри булырга тиеш, дип саный.
Башкортстанда бүген һәр ике никахның берсе таркала. Тыныч, дусларча аерылышу - безнең илдә сирәк күренеш. Милек бүләләр, бала бүләләр, алимент түләтә алмыйча интегәләр... Бу яктан карасаң, әлеге “брачный контракт” бик тә кирәк кебек.
Әйткәндәй, ул илебездә елдан-ел популярлаша бара, елына 50 меңнән артык шундый килешү төзелә икән.
Фото: your-happy-life.com