Балтач һәвәскәре “Матур ТВ” эфирында

Иртәгә балтачлылар Рәзидә Әхмәтова чыгышын “Матур ТВ” телеканалы эфирында карый ала. 12:35, 17:23, 20:57 сәгатьләрдә эфирга чыккан музыкаль тапшыруда Рәзидә Әхмәтова Фәнүзә Зөлкарнәева сүзләренә көен үзе язган "Үз ягым” җырын башкара. Җырның тестын шагыйрә Гөлнара Махиянова-Рамазан руст теленә дә тәрҗемә иткән. Клипның режиссеры Марат Әбдүшев, оепарторы Олег Даль. “Матур ТВ”—башкорт музыка телеканалы. Аның эфирында танылган җырчыларның чыгышлары яңгырый, концертлар, музыкаль шоу һәм башкалар трансляцияләнә.