Бүген Русия Дәүләт думасы икенче укуда туган телләрне ирекле өйрәнү турында закон проектын караячак. Ул Русия Президентына, Федерация Советына, Русия Хөкүмәтенә җибәреләчәк.
Документка 27 төзәтмә килгән, кайберләре кертелгән. Хупланган төзәтмәләргә ярашлы, урыс теле Русия халыкларының туган телләре исемлегенә кертеләчәк.
Төрле төбәкләр, аерым алганда, Татарстан экспертлары һәм галимнәре, проекттан республикаларның дәүләт телләрен “ирекле нигездә өйрәнү" дигән сүзләрне алып ташларга тәкъдим иткән.
Исегездә булса, 19 июньдә Дәүләт думасының 373 депутаты мәктәпләрдә телләрне өйрәнүне көйләүче гаугалы закон проекты өчен тавыш биргән иде. Ул чакта, икенче укуга документ тексты нык үзгәреш кичерәчәк, диелде, туган телләрне саклап калырга вәгъдә ителде.
Фото: "Татар-Информ"