Таанымал түрк ырчысы Таркан 45 жашында биринчи жолу ата болду. Таркан менен анын аялы Пынар Дилек кыздуу болушту.
Таркан жеке жашоосун элден жашырбаган ырчы. Быйылкы жылдын февраль айында ал сүйүктүүсүнүн кош бойлуу экенин билдирген эле. Ал эми жакынкы күндөрдө өнөр ээси тармактагы баракчасында жаңы төрөлгөн кызынын сүрөтүн жарыялады. Ал кызынын жүзүн көрсөткөн жок, болгону сүйүнчү кабарды жеткирди.
“Лия кызыбыз дүйнөгө келди! Ал менин жашоомо күн нуру болуп кирди. Эмоциямды сөз менен айтып жеткире албайм”, - деп жылдыздуу ата кубанычы менен бөлүштү.
Белгилей кетсек, Таркан жубайы Пынар менен 2008-жылы Германияда концерт учурунда таанышкан. 5 жыл сүйлөшүп жүргөн түгөйлөр 2016-жылы үй-бүлө курушкан.