Башкаланың Октябрь проспектын вандаллар үз иткән.
Күптән түгел алар алмалы кәрзин янындагы бабай сынына һөҗүм иткән иде. Инде хәзер энесенә китап укучы кыз балага. Аның кул бармакларын сындырып, китап битенә нидер язарга тырышканнар.
- Хәтта фашист та картлар белән балаларны аяган, диләр. Бу кызчыкка кулы күтәрелгән җаһилның эчендә җаны юктыр, - дип, күз яшьләрен сөртә узып баручы апа.
Шул хайванны тотып, катырак җәза бирелсә, башкаларга сабак булыр иде дә бит...
Резида ВӘЛИТОВА.
Фото: Автор фотосы.