Письмо, которое парни, работающие в шахтах Норильска, написали Вячеславу Битарову полгода назад. Хотели вернуться на Родину. Быть ей полезными. Но не довелось. Кроме отписок они ничего не получили.
Почитайте. Оно действительно замечательное.
Республикæ Цагат Ирыстон-Аланийы сæргълæууæг
Битарты Зелимханы фырт Вячеславмæ
фыстӕг- курдиат Норильскы сахары кусæг фæсивæдæй.
Дӕ бон хорз, нӕ цытджын æмæ кадджын хистӕр!
Цы зæрдæрухс хъуыдытимæ æмæ фæндтимæ кусыс нæ уарзон Ирыстоны фарнæн, уыцы хъуыдытæ æмæ фæндтæ дæ къухы ӕнтыстджынӕй бафтæнт! Нæ арфæтæн кæрон нӕй, фæлæ дæм фыссӕм сидты фыстӕг стыр курдиатимӕ. Мах, Норильскы сахары кусæг фæсивæд, кӕд фыдкуыст кæнæм æцæгæлон зæххыл æмæ æцæгæлон адæмы æхсæн, уӕддӕр нӕ иу бон дæр ничи фæцудыдта æмæ ныхъхъæрзыдта, ничи нæ асагъæс кодта йæ хъысмæтыл, кæд цыфæнды зын уавӕрты ӕмӕ фадӕтты кусӕм, уæддæр.
Бирæ азты дӕргьы кусæм Цæгаты къæйы, ӕдзухдӕр зымæг æмæ саудалынг бæстæйы, фӕлӕ нæ зӕрдӕтӕ æмæ нæ хъуыдытæ баст сты нæ Райгуырæн бæстæимæ. Æнæ къæбæр æмæ æнæ фæллой не стæм. Хуымæтæг кусæгæй райдай æмæ фæткдары хæдивæгæй фæу - иууылдæр кусæм æмæ цæрæм абоны онг æнувыдæй, иузӕрдионӕй. Фæлæ нӕ уæддæр йӕхимӕ ӕлвасы нӕ Фыдӕлты къона. Фӕнды нӕ нӕ Фыдыбæсты зæххыл кусын ӕмӕ пайда хӕссын ацы зын рӕстӕг. Бирæ фæндтæ нæм уыдис, бынтон æрыгон фæсивæд ма куы уыдыстæм, уæд, фӕлӕ нын нӕ зӕххыл кусыны фадат нӕ фӕци ӕмӕ куыстагур афтыдыстæм дард Цæгаты цъыфдзастджын быдыртæм. Адæймаг цы бон райгуыры, уыцы бонæй фæстæмæ цæры йæ дзыллæйæн, фыдæлты намысæн, хæдбар æмæ уарзон Фыдыбæстæйæн. Иннæ адæмыхаттытæй нæхи хицæн нæ кæнæм, фӕлӕ нӕ зæрдæ дарæм
де ʼххуысыл, дæ зæрдæхæлардзинадыл. Не ʼнгом æмæ æмуд къорд тырны хæдзармæ – Иры хæхтæм, Иры бæстæмæ, рагфыдæлтæ æнусон æнцой кæм ссардтой, уырдæм. Не здæхæм афтид армæй.
Бирӕ арфӕйаг ныхӕстӕ фехъуыстам нӕ зонгӕ фӕсивӕдӕй,ӕххуыс кӕны куыстуарзаг фӕсивӕдӕн, зӕгьгӕ, ӕмӕ нæ курдиаты мидис уый у, цæмæй нæм фæкæсай, бындурон сцалцӕг кӕнын кӕй хъӕуы, ахӕм арæзтадон объекттæй. Нæ зæрды ис арæзтадон æхсæнад сфæлдисын, адӕмы ӕнцойӕн ӕмӕ зӕрдӕрайӕн чи кусдзӕн канд Дзæуджыхъæуы нæ, фæлæ ма республикæйы алы зынбафтӕн ӕмӕ æнæбаххæсгæ рæтты дæр.
Нæ бон домын нæу, уыцы уавæры не стæм. Нæ курдиатæн кӕд сæххæст кæныны фадат нæй, уæддæр сомбоны ныфсæй цæрæм æмæ, дæ дзуапп кæд ныфссæттæн дзуапп уа, уæддæр æм æнхъæлмæ кæсæм.