SmartCredit оешмасы бурычка алучы бүгенге кешенең социаль портретын төзегән. Әгәр дә элек банклардан күбрәк урта яшьтәгеләр акча алса, бүген исә бу алымга күбрәк яшьләр бара.
Компаниядән алынган мәгълүматлар буенча, бүген 35 яшькә кадәрге яшьләрнең күбесе "бурычлы". Шунысы да мәгълүм, яшьләр күбрәк 10 мең сумга кадәр акча алып тора икән. Алар моны шәхси кулланышка юнәлтә, яки көнкүреш техникасы сатып ала, элекке бурычларын кайтара.
2017 елга алынган мәгълүматлар буенча, бурычка керүчеләрнең 65 процентын - яшьләр, 25 процентын урта яшьтәгеләр һәм 10 процентын 50 яшьтән өлкәнрәкләр тәшкил итә.
Статистика мәгълүматлары буенча, микрозайм алучыларның иң күбесе - Ямал-Ненец округы яшьләре. Икенче урында - Чувашия, аннары Мордовия килә.