Бу минутларында "Батыр" спорткомплексында райондашларыбыз үзләрен борчыган сорауларны җаваплы белгечләргә җиткерә.
Россия юристлары ассоциясенең Татарстан төбәк бүлекчәсе Татарстан Республикасы Юстиция министрлыгы белән берлектә министрлыклар, ведомстволар һәм оешмалар белгечләреннән торган мобиль төркем эшли. Элеге төркем районнарга чыгып гражданнарга түләусез консультация үткәрә. Мондый очрашулар Узәк авыл җирлегендә дә уза, әлеге җирлектә яшәүчеләр авыл мәдәният йортына килеп 13:30-15:00 сәгатькә кадәр борчыган сорауларына җавап ала алалар.
"Батыр" спорткомплексында муниципаль район башлыгы Ильдус Зарипов, Россия юристлары ассоциясенең Татарстан төбәк бүлекчәсе рәисе Илдар Халиков җитәкчеләр һәм район халкы белән очрашты. Илдар Халиков район халкының күбрәк нинди сораулар белән мөрәҗәгать итүләре белән кызыксынды һәм белгечләр белән аралашты. Теләчегә эш сәфәре барышында "Дулкын" һәм "Теләче-Арена" бозсараенда булып һәм башка социаль объектлар белән танышты.