ЯТВ - Ямальский район

На Ямале немало мест, которые считаются особо охраняемые. Кто их придумал и для чего? Ямал яханана’ сянда я мале ӈока. Луца’ вадавна тарем’ со: заповедник, заказник. Тикы’ хавна сянда яӈэ хой’ тер” хэхэ”я”, хэбидя я” толы”. Тад вы’ тер” илесь я, мюсярць я ӈобтарем’ сянзь тара”. Маня” Ямальской районханана’ заказник сидя пеляда. Сянда я’ ӈоб’ пеляда ӈэрм’ няюна ӈа. Ямал’ малхана ӈэда Сэр’ ӈо, тад ӈэрм’ няю” сырап’, маха’няӈы хэвда ӈобтарем’ сянда я ӈэдараха. Тиканда хавна Итя ӈабтеня’ вархы Малыгин’ нюмна нюмдевы ид’ пеля...

Теда’ миндя иры ненэй ненэця”, вы’ тер” сырэй иры”ӈадо’. Луца’ яля’ падаркана март иры нарэй по’ пеля иры Ӈэрм’ няна ядембада яля” мер” ни’ тэвор”. Хой’ терха”на нарэй яля” – сыра’ холканава, я’ ний сырасялмдна. Ненэй ненэцяи” яля’ падаркана тев’ ёльцянгана несэй по пэй’. Вынгана по’ тид хая, яля’ сэв ӈока. Хой’ тер” пихиня манзра”. Манзъидо’ мале, хуняна хахаяда мят’ мядоманзь ханда”. Хардахана, выӈгана ненэця” ӈобт’ тэворӈа”, лаханакурӈа”, сянаку”, пирдырӈа”. Ненэй ненэцяи” яля’ падар’ тэри яхад ӈадимы вуниӈа”...

Несмотря на многие изменения, которые произошли в тундре, традиции коренных жителей остаются. Ритуальные обряды, свадебные традиции, рождение детей – все эти и другие обычаи хранятся мудрыми наставниками ненецких поколений. Ненцы теперь чаще разъезжают по тундре не на оленях, а на снегоходах. Молодёжь стремится в города и посёлки, а не в стойбища. С будущими супругами знакомятся по интернету, а не через сватов. Однако традиции создания семьи сохраняются. Сегодня в тундре молодые люди и девушки сходятся по симпатии друг другу...

Сеяха’ хардахана ӈарка ненэця”, вадёданна” хасава ӈацекы” тэри мэваӈгадандо’ етри” ныхыдо’ хорпи”. Теда’ хэвы нылана яляха”на СОК «Айсбергхана» ненэця” ма”лыць Сеяха’ хардахана ӈацекы тохоламбада Иван Окотэтто няби спорткомлексхана манзрана Руслан Яптик пирдырмам’ таславэхэ’. – Мань хасава нюми’ сянаку. Пыда Салехардахана тохолку. Сырэй ныланава яляха”на мякнанда мэсь. Хэбянда нерня пирдыртаха”на ныхымда хорманзь тось. Нюртей яля’ санарць нябимдей местам ханась. Мань хасава нюми етри нерняку пэрнав, вадахана нядабив...

Едэй по тадри луца’ падаркана ӈадимнда. Теда’ ненэй ненэця” сямян Россия’ тер” тотрев’ несэй пом’ ядабтамби”. Ӈарка ненэця”, ӈацекы”, мал” едэй по’ ялям’ ате. Сеяха’ харад’ поӈгана ӈока ялмырта, якнана лампочка юӈгу. Тареӈод’ ӈэрм’ харад’ тер” илека хэбидя ялян’ хамеку” Несэй по’ хуркари едэй серо минре. Сямян ненэця” тэнз хантаӈгутана похона ӈокавна манзравы”, ӈацекы” тохолковы” Тадри си”ив сян’ яля’ ныланаӈгу”. Тикы яляха”на пыдо’ хуркари манзаи пэрта”. Сеяха’ тер” манзрани’ ӈамгэ мян пеля ӈарка хардаха’ ныланаванзь хая”, тамна хибяхав Саляхардан’ хаяць...

Сямян яля’ падаркана теда’ минда иры та’ пудана иры. Харад’ тер” мякто’ хамеку”, ханяӈы” мале товы”, манзра”. Ненэцяи” ӈокаюм’ пеля ныланавы”, ӈамгэ’ мян” ядембада ян’ тэвормы”. Ты” пэртя” тамна ни’ таӈг”, пилё” тияд”. Тев’ ёльцяӈгана ты” хасена ни’ ну”, падде”. Пилё” ты манзабтамби”. Неняӈг” тянюмя”, ниберё” тияд”, тикыд ханяримна падирӈа, ёльце сятора”. Мер” ӈадимы” яха”на ӈодя” вадё”вы”. Ӈодинда” мале хуркари ӈодя’ тэнз ма”ламби”. Ӈэрм’ няна тандая’ ӈодя” ӈадимданна”. Ямал ява’ пирувнанда ямб...

Маӈгты” иры суса. Харад’ тер” ӈокаюм’ пеля ныланаванзь хэвы. Тохолкода” экзамендо’ малевыдо’. Хой’ тер” манзъядо’ ӈока. Пыдо’ сырэй ӈавэдо’ тырабтамби”. Тедахав’ ненэй ненэцяи” яля’ падаркана неняӈг” иры’ пэй. Ты пэртяха”на саць тоянана иры. Харад’ терха”на неняӈг” савадо’ юӈгу. Ненэцяӈгна ядембаварида сава Сыра’ ямбан’ манзра”махад харад’ тер” ныланаванзь хаяць. Саць меретя” ты” ниць ирыхана хэвыць. Я’ ханяримна ӈэдалерӈа”. Ненэцяи” ӈокаюм’ пеля ядембада” ян’ хэвы”. Таняна итя париденя ям’ харобта”...

Маня” ӈарка ява’ – Россия. Маня” мал” яханана’ иленаӈэ, ява’ мэнева. Россия ӈани сямян яхат ӈарка, сямянхат мэбе”ӈа. Тюкы ява’ соя”ма ява’, тюкохона илева”, нюна” иле”. Маӈгты” иры’ 12 яляхана Россия’ соя”ма яляда. Тикы’ няю” Сеяха’ хардахана хуркари” мероприятия” ӈаць. Теда’ вадетына” Теда’ мэта Россия’ соя”ма яля 33 по’ тяхана ӈадимы. Тамаляӈгана маӈгты” иры’ 1990 похона падарм’ падвы” «Декларация о государственном суверенитете России». Тад тикы яля’ пуд я’ сяр” ниня несэй страна ӈадимы – Россия...

Ӈэрм’ яна’ сяр” нимня яля’ сэвкако ядемба ябире. Ты пэртя” таны мядэхэто’ ёнда”. Сую” ӈадимяць. Нув’ сармик” мякто’ паромби”. Тохолковы” ӈацекы” небяхато’ нисяхато’ тэвыд. Экзамен пэртя”, урокадо’ тохоламби” Ямал яна’ тиӈгэвна нарэй яля’ сэв сырам’ холкабтамби. Ӈарка харад” някуна салаба ӈарка яв’ Обьхана лабаравы. Ӈэрм’ някуна яха” тамна хэвдавэй”. Я’ ниня хусувэй яляхад варё” ӈарамданна”. Нямэхэна, Ямальский район’ тиӈгэвна сиениць ирыхана сую” ӈадимяць. Сеяха’ выӈгана ӈобтарем’ мале сян сую ӈэвысь...

Хусувэй ирыхана хуркари хэбидя яля” танясеты”. Теда’ хэвы иры’ пудана луца’ яля’ падаркана тум’ хабтабади” яля Сиениць иры’ 30 яляхана Россия яна’ тиӈгэвна сямян хибя пожарной частьхана манзрана сава вади намдась. Я’ ӈавнанда 1649 похона яна’ параӈода тикы ялям’ таславэда. Ямал’ яханана пранана ӈаво хабтабада” ӈобтарем’ ӈа”и похо”на ӈадимы”. Ӈавна хардахана мяд” пяхад сертавы” ӈэвы”, ӈадъбята етри’ параӈгасетвы”. Тум’ хабтабади’ манзъядо’ тояна, саць тарана. Сёяха’ хардахана тум’ хабтабада” манзъямдо’ минредо’...

Нумда нарэйма. Тецьда мерця янамбовна ланума. Сырэй тотрев’ япа сят’ тебертада юӈгу. Я’ ниня янамбовна варё” ӈадимданна” Сырам’ мерця сипида. Ненэця”, я’ сармик” сыра’ ямбан’ лимбека паныдо’ мэ”ӈаць, тадри екаӈгудо’. Яха”, то” тедарихив’ тамна няӈота салаба’ ӈылна хоны”. Хэвы си”ивхана хабейнда” хардан’ тэворӈаць, ӈацекыдо’ хосаяць. Тохолкода ӈацекы” я’ ханяри’ нэкалӈадо’. Сеяха’ хардахана тохолкода ӈацекы” ӈокаюм’ пелядо’ хойня’ хаяць. Хусувэй каникулха”на пыдо’ ёльце маямба мякто’ паромби”. Нисянадо’ небянадо’ нюто’ паны, мальци тэврасеты”...

В Яр-Сале состоялся модный показ нарядов изготовленных из бросовых материалов Изысканными туалетами перед изумленными зрителями 9 марта блеснули прекрасные представительницы «серебряного» возраста. Облачившись в красивые наряды, ярсалинки наглядно продемонстрировали, что даже непригодные в хозяйстве вещи, можно применить в качестве материалов для пошива одежды и изготовления оригинальных аксессуаров. Мероприятие приурочили к Неделе женщин в ЯНАО. Приятно удивило разнообразие основ, которые были использованы для изготовления костюмов...