Время Новостей

👨🏻‍💻 Ямалец остался без 5 миллионов после общения на сайте знакомств Житель Нового Уренгоя познакомился в интернете с девушкой, которая предложила ему заработать на инвестициях. После согласия, с ним связалась лжекуратор, которая прислала ссылку на якобы инвестиционную площадку. На электронный кошелёк мужчина сначала отправил 200 000, а потом взял в кредит 5,85 млн и добавил к ним свои 50 000. Когда ямалец не смог вывести деньги, он понял, что попался на удочку злоумышленников. Полиция возбудила уголовное дело по статье о мошенничестве в особо крупном размере. Аферистам грозит лишение свободы на срок до 9 лет. 💚 «Ямал-Медиа» | Поддержать нас бустом

✒️ На нашем сайте запущен специальный раздел для старейшей ненецкой газеты «Няръяна Ӈэрм». В нем публикуются новости на ненецком языке.👇 ❄️ Хома шоньшахана ныптаку’’ Куԓкаԓи’’ мэкат паны’’, ӈамсадята’’ ӈамаԓ’’. Шанат тэмс’’ неша’’ «ЭтноАрт» фестивалян ӈомаш’’. Тарко-Саляхана чики мероприятим’ неԓьчеэй мэматуӈ ниӈа, манԓе хампԓяӈкты шеԓтаматуӈ. Чуки похона Таԓкан чеԓ’’ мячинчетуӈ няш ӈокна ӈыптакомантуӈ мэт «Прибрежный» паркан ӈомаш’’. Няхаԓ’ тэмс’’ неша’’ поӈкнатуӈ мянаԓмантуӈ мэт ӈанатамэт. Ԓуса’’, ӈысма, шича нешаӈ команда, ними Каԓпюԓкат томы. Тотуӈ каԓитуӈ дилмтуӈ вачаӈа’’, культурамтуӈ ӈычимчеӈа’’. Маня неша’’ нена’’ ӈупчики чикидю поӈкна нешаӈэ дилма вачаӈаш’’. Таԓкахат мэна’’ нена’’ «ЭтноАрт» фестивальхана нешади’’ дилыӈ де’эмня ӈайта обряд’ ӈычимчеӈаш’’. Пытоӈ мероприятихинтоӈ хомана ӈанатамэт. Шаӈкмян таньдет таԓанна’’ ӈамыкутун тамай’’, мээвчетуӈ вачитуӈ хомана тохоԓамай’’. Тун мунумаӈ дет ӈайта обряд’ ӈычимчеӈаш’’. Ту выӈкна диԓина нешаӈкна пиԓи таԓанна ӈамы. Чики шеԓ вачата’’ нена’’ маньшту: ненэй нешиӈ тумта чудипёманта дёԓьшкана пон шоншанта мюня мунуты. Таԓям четаӈ таԓьша обряд’ шеԓтаӈа’’. Ӈысми’’ команда ӈупчики каԓьтуӈ дилмтуӈ, культурамтуӈ вачаӈа’’, кынсу’’ каԓьтуӈ ватаманантуӈ мэӈа’’. Каԓпюԓкат томы’’, «Росинка» садикхат мэна’’ нена’’ куняна, мансԓамамтуӈ вачаӈа’’, садикантуӈ де’эмня ӈайта кынас мэӈа’’. Чикиӈ камна мянаԓта’’ куԓкаԓи’’ ӈамсадята ӈамԓу’’ тамай’’. Шиниӈкуна выӈкна диԓина’’ лапкахат ниш’туш тымтуԓ’’. Ӈамԓатоӈ каньдяш, каԓиташ, ӈочахана тыхуԓьш каԓьтуӈ коштуш’’. Фестивальхана мянаԓта’’ куԓкаԓи’’ ӈамсадята’’ ӈамаԓ’’ пиԓимай’’. Дюԓт пиԓимы’’ нянь’’, ӈамса’’, ӈоча’’, каԓя’’, ӈоча нянь’’. ЭтноАртан томы’’ неша’’ маньшту’’, пытуӈ вихинянтуӈ таньше ӈопт ӈома дёԓьше хома. Ӈинԓи дяхат мэна’’ нетуӈ диԓивсум манэшту’’, поӈкнатуӈ культурантуӈ, ватантуӈ нямна дёԓимяшошту’’. Шанат тэмс’’ неша’’ хома шоньшахана ӈокна диԓиматуӈ таԓа. Чики дяԓяхана мят чеԓ’’самыӈ ӈокна ныптакомантуӈ мэт ӈука неша’’ тоӈаш’’. Мянаԓчи’’ маныдемантуӈ камна фестивальхана мэна’’ мастер- классхана’’ куԓкаԓи’’ ӈамыдю’’ шеԓтапёшь тохотаӈаш’’. Ненымана таньдет ӈашки’’ майпиш’’. Шычитуӈ тохаԓампюта’’ ӈалка’’ нетоӈ куԓкаԓи’’ шана’ку’’ шеԓтапёмам няӈтоӈ ӈычимчеӈаш’’. «ЭтноАрт» шаӈкмян нешади’’ тэмс’’ ӈокна ныптакомаӈ мэт шеԓтамы. Фестивалян томы’’ маньшту: «Маня’’ ӈуп дяхана диԓина ӈайши, ӈуп вин камоԓьш, хома шоньшахана нена’’ нямама таԓа. Ӈуп веӈкахана неԓьняӈ минтӈама’’, чикехена хома ӈайты. Таԓям таԓьша дяԓя, таньше ӈопт ӈома хома». Шанат тэмс нешади’’ дилым, культурам ӈычиччемпюта «ЭтноАрт» фестиваль путахана Таркахана мэштонӈатуӈ. Пунчена ӈай шаӈкмян тэмс неша’’ ӈопт ӈомты, ӈокна ныптакомантуӈ мэты. Автор: Лариса Айваседо патмы