11 подписчиков
⚡️O‘ZBEKISTON PEDIATRLARINING IX S’YEZDI BO‘LIB O‘TMOQDA
2024-yil 4-6-oktabr kunlari poytaxtimizda "O‘zbekiston Respublikasi sog‘liqni saqlash tizimini isloh qilish zamonaviy bosqichida pediatriya dolzarb masalalari" mavzusidagi O‘zbekiston pediatrlarining IX s’yezdi bo‘lib o‘tmoqda.
Tadbirni sog‘liqni saqlash vaziri vazifasini bajaruvchi Asilbek Xudayarov ochib berdi.
Tadbirda CERT International tashkiloti tomonidan Respublika ixtisoslashtirilgan pediatriya ilmiy-amaliy tibbiyot markaziga ISO 9001:2015 va ISO 7101:2023 xalqaro sifat standartlarini joriy etganligi munosabati bilan maxsus sertifikatlar topshirildi.
O‘zbekiston Respublikasi Sog‘liqni saqlash vazirligi, Respublika ixtisoslashtirilgan pediatriya ilmiy-amaliy markazi, Toshkent pediatriya tibbiyot instituti hamkorligida tashkil etilgan s’yezdda yurtimiz pediatrlari bilan birga AQSH, Germaniya, Turkiya, Avstriya, Janubiy Koreya, Slovakiya, BAA, Vengriya, Misr, Tailand va Ozarbayjon kabi 15 dan ziyod xorijiy davlatlar mutaxassislari, nufuzli ekspert va olimlar ishtirok etmoqda.
S'yezd dasturida pediatriyaning deyarli barcha yo‘nalishdagi dolzarb muammolari, keng tarqalgan bolalar kasalliklari diagnostikasi va davolash usullari qamrab olingan. Bu esa ilmiy tadqiqotlar natijalari bilan yaqindan tanishish, o‘zaro tajriba almashish imkonini beradi.
1 минута
5 октября 2024