11 подписчиков
⚡️TOSHKENT VILOYATI HOKIMI ZOIR MIRZAYEV TOSHPTI BITIRUVCHI TALABALARI BILAN UCHRASHDI
Toshkent viloyati hokimi Z.Mirzayev tibbiyot oliy ta'lim muassasalari, shu jumladan Toshkent pediatriya tibbiyot institutining bitiruvchi bosqich talabalari bilan uchrashdi.
Viloyatdagi barcha tuman hokimlari, tibbiyot birlashmalari boshliqlari va mutasaddilari hamda Toshkent pediatriya tibbiyot instituti rektori, professor Botir Daminov boshchiligidagi institut vakillari va talaba-yoshlari ishtirok etgan muloqot uchrashuvida asosiy e'tibor talabalarni ish bilan taʼminlash masalasiga qaratildi.
Hokim Janubiy Koreya va Rossiya bilan oʻrnatilgan hamkorlik doirasida viloyat tibbiyot mutaxassislarining bandligini taʼminlash hamda malakasini oshirish tizimi kun sayin takomillashayotganini taʼkidladi.
Shuningdek, bemorlar bilan toʻgʻridan-toʻgʻri ishlaydigan zamonaviy kadrlarni qoʻllab-quvvatlash va ularga munosib sharoit yaratib berish istagida ekanini, viloyatda ishlash imkoni bo'lgan 6-bosqichda tahsil olayotgan talabalarni ishga qabul qilishga tayyorligini bildirdi.
Uchrashuvda aholi orasida tarqalgan olayotgan ayrim ijtimoiy kasalliklar va ularning oldini olish masalasiga alohida eʼtibor qaratildi. Xususan, endokrin va yurak-qon-tomir kasalliklari koʻpayib borayotgani, bu soha uchun mutaxassislarga ehtiyoj yuqoriligi taʼkidlandi.
Zoir Mirzayev sogʻlom turmush tarzini yoʻlga qoʻyish orqali bu muammolarni hal qilish lozimligi va buning uchun aholiga toʻgʻri maslahat beradigan, namuna boʻladigan, bor bilimi, ilmi, koʻnikma va malakasini aholi salomatligi uchun sarflashga tayyor, fidoyi shifokorlar zarurligini aytib o'tdi.
Muloqotda Zoyir Mirzayev viloyatdagi mavjud vakant lavozimlarga bitiruvchi bakalavriat talabalar, magistr va klinik ordinatorlarni shartnoma asosida ishga qabul qilish taklifini ilgari surdi.
Bitiruvchi bosqich talabalar Toshkent viloyayida ishga joylashish, uy-joy va iqtisodiy taʼminot yuzasidan oʻzlarini qiziqtirgan savollarga atroflicha javob oldilat.
1 минута
27 апреля 2024