106 подписчиков
Уфада күпер астында аяклары сынган ир атны тапканнар
Киров районында 33 яшьлек ир-ат җитди җәрәхәтләр алган.
«Башинформ» га үз чыганагыннан билгеле булганча, зыян күрүчене Агыйдел елгасы аша күпер астында табалар. Ул Яр буе урамындагы тротуарда яткан.
“Шаһитлар ашыгыч ярдәм чакырта. Һәлакәт урынына килгән табиблар зыян күрүчедә ябык баш мие җәрәхәте, баш мие селкенүе һәм ике аягы да сынган диагноз куялар”,-дип сөйләгән мәгълүмат агентлыгы әңгәмәдәше.
Ир-атны ашыгыч медицина ярдәме хастаханәсенә алып киткәннәр. Беренчел мәгълүматлар буенча, ул үз-үзенә кул салырга тырышкан. Бу вакыйга белән хокук саклау органнары шөгыльләнә.
Около минуты
29 декабря 2023