11 подписчиков
⚡️YOSHLARGA OID QONUNNI TAKOMILLASHTIRISH YUZASIDAN YOSHLAR BILAN OCHIQ MULOQOT
Toshkent pediatriya tibbiyot institutida "Yoshlarga oid davlat siyosati to'g'risida"gi O'zbekiston Respublikasi qonunini takomillashtirish masalasi yuzasidan talaba-yoshlar bilan ochiq muloqot o'tkazildi.
Mazkur yig'ilish Toshkent pediatriya tibbiyot instituti, Oliy Majlis Qonunchilik Palatasi hamda Senat huzuridagi Yoshlar Parlamentlari bilan hamkorlikda tashkil etilib, unda Yoshlar parlamenti a'zolari ishtirok etdi. Xususan, Oliy Majlis Senatii huzuridagi Yoshlar Parlamenti raisi Behzod To'xtamurodov hamda a'zolari Jahongir O'rinov va Bobir Yaxiyayev, Oliy Majlis Qonunchilik Palatasi huzuridagi Yoshlar Parlamenti a'zosi, "Adolat" SDP fraksiyasi a'zosi Xasanxodja Abidovlar so'zga chiqdilar.
Tadbirning birinchi qismida talaba-yoshlarga "Yoshlarga oid davlat siyosati to'g'risida"gi O'zbekiston Respublikasi qonunining mazmun-mohiyati hamda uni takomillashtirishga odi masalalar bo'yicha tushunchalar berildi.
Yig'ilishning ikkinchi qismida esa kun tartibidagi masaladan kelib chiqqan holda yosh parlamentariylar hamda yoshlar o'rtasida ochiq muloqot bo'lib o'tdi. Bunda, ochiq muloqot davomida talaba-yoshlar tomonidan yoshlarga berilayotgan e'tibor va imkoniyatlar e'tirof etilib, Yoshlarga oid davlat siyosatini belgilab beruvchi asosiy qonunni bugungi kun talabidan kelib chiqqan holda yangi tahrirda ishlab chiqish zarurati haqida fikrlar bildirildi hamda asoslangan qator takliflar berildi.
Yoshlarga oid qonunchilikka takliflarni tayyorlash doirasida yoshlar bilan uchrashuv va ochiq muloqotlarning o'tkazilishi mamalakatimiz yoshlarining manfaatlaridan kelib chiqqan holda qonun hujjatlarini takomillashishini ta'minlashi alohida ta'kidlandi.
1 минута
16 июня 2023