11 подписчиков
#o‘zmaqsadlaringnibil
⚡️TOSHPTI YOSHLARI XALQARO FAN OLIMPIADASIDA G‘OLIB BO‘LDILAR
2023-yil 23 mart kuni Qirgʼiziston Respublikasi Bishkek shahrida tibbiyot oliygohlari tаlаbаlаri o’rtasida I-Xalqaro fan olimpiadasi bo’lib o’tdi. Mazkur xalqaro olimpiadada Qozogʼiston, Qirg’iziston, Oʼzbekiston davlatlarining 17 ta tibbiyot oliygohlari talabalari qatnashdi.
Shu jumladan, olimpiadada Toshkent pediatriya tibbiyot institutining Gistologiya va patologik fiziologiya kafedrasining katta oʼqituvchisi Obloqul Muratov va Аnatomiya, patologik anatomiya kafedrasining katta oʼqituvchisi Baxriniso Eshankulova boshchiligida 9 nafar iqtidorli talabalaridan institut jamoasi oflayn tarzda ishtirok etdi. Institut nomidan ishtirok etgan talaba-yoshlar jamoasi jami 8 ta fan bo’yicha bellashdi va 1 ta ilmiy maʼruza bilan ishtirok etdi.
Toshkent pediatriya tibbiyot institutining jamoasi olimpiadaning “Videovizitka” tanlovida “Eng yaxshi videovizitka” mukofotini qoʼlga kiritdi. Olimpiadaning yoʼnalishlarida o’z bilimlari bilan bellashgan quyidagi 9 nafar talabalarning barchasi g‘oliblar qatorida bo‘ldi:
1-o‘rin – “Biokimyo” fanidan – Subxonkulov Jamshid – 1-Pediatriya va xalq tabobati fakultetining 3-bosqich talabasi. Ilmiy rahbar: Tibbiy va biologik kimyo, tibbiy biologiya, umumiy genetika kafedrasi dotsenti Karimova Sh.F.
1-o‘rin – “Mikrobiologiya” fanidan – Pirimov Nazimjon – Xalqaro fakultetning 3-bosqich talabasi. Ilmiy rahbar: Allergologiya, klinik immunologiya, mikrobiologiya kafedrasi dotsenti Karimova Z.K.
2-o‘rin – “Anatomiya” fanidan – Maxmudov Asilbek – Tibbiy-pedagogika va davolash fakultetining 2-bosqich talabasi. Ilmiy rahbar: Аnatomiya, patologik anatomiya kafedrasi katta oʼqituvchisi Primova G.А.
2-o‘rin – “Patologik anatomiya” fanidan – Larin Evgeniy – 1-Pediatriya va xalq tabobati fakultetining 3-bosqich talabasi. Ilmiy rahbar: Аnatomiya, patologik anatomiya kafedrasi dotsenti Karatayeva L.A.
2-o‘rin – “Nevrologiya” fanidan ilmiy dokladi uchun – Eshonboboyev Firdavs – Tibbiy-pedagogika va davolash fakultetining 4-bosqich talabasi. Ilmiy rahbar: Asab kasalliklari, bolalar asab kasalliklari va tibbiy genetika kafedrasi mudiri, professor Madjidova Y.N.
2-o‘rin – “Sud tibbiyoti” fanidan – Maxrumov Javlon – Tibbiy-pedagogika va davolash fakultetining 4-bosqich talabasi. Ilmiy rahbar: Sud tibbiyoti va tibbiyot huquqi kafedrasi dotsenti Kuziyev O.J.
3-o‘rin – “Pаtologik fiziologiya” fanidan – Yusupova Gulasal – 1-Pediatriya va xalq tabobati fakultetining 5-bosqich talabasi. Ilmiy rahbar: Gistologiya, patologik fiziologiya kafedrasi katta oʼqituvchisi Xakimova G.А.
3-o‘rin – “Normal fiziologiya” fanidan – Shayusupov Jasur – 2-Pediatriya va tibbiy-biologiya fakultetining 3-bosqich talabasi. Ilmiy rahbar: Farmakologiya, fiziologiya kafedrasi dotsenti Аskaryants V.P.
3-o‘rin – “Topografik anatomiya” fanidan – Turdialiyev Shaxzod – 2-Pediatriya va tibbiy-biologiya fakultetining 3-bosqich talabasi. Ilmiy rahbar: Umumiy xirurgiya, topografik anatomiya va operativ xirurgiya asoslari kafedrasi dotsenti Dexkanov K.А.
Institut rahbariyati va jamoasi talabalarni va ularning ilmiy rahbarlarini mazkur yutuqlar bilan tabriklaydi va kelgusidagi faoliyatida ulkan muvaffaqiyatlar tilaydi.
2 минуты
27 марта 2023