12 подписчиков
UNIVERSITET 4.0: TOSHPTI MAHALLALARDA IJTIMOIY FAOLIYAT YURITMOQDA
2022 yil 15 aprel kuni Toshkent pediatriya tibbiyot institutiga biriktirilgan “Uvaysiy” va “Shoshtepa” MFYlarda joylashgan 258-sonli umumta'lim maktabida “Sog‘lom turmush tarzi” mavzusida seminar-trening o‘tkazildi.
Tadbirda mutaxassis shifokorlar 10-11 sinf o‘quvchi-yoshlariga “Sog‘lom turmush tarzi” mavzusida suhbat olib bordilar, yoshlarga sog‘lom turmush tarzi, sport bilan shug‘ullanishning afzalliklari, sog‘lom ovqatlanish, shaxsiy gigiena qoidalariga rioya qilish ahamiyati to‘g‘risidagi ma’lumotlar bilan ulashdilar.
Shuningdek, maktab yoshlariga o‘z salomatliklariga e’tiborli bo‘lish, jismoniy jihatdan chiniqish, ma’naviy olamini boyitib borish, ruhiy holatini nazorat qilish, kiyinish madaniyatiga, maktabda va o‘zlari yashaydigan uylarda odob-axloq qoidalariga rioya qilish borasida maslahatlar berdilar.
Suhbat davomida o‘quvchi-yoshlar o‘zlarini qiziqtirgan ko‘plab savollarga mutaxassislardan aniq javoblar va maslahatlar oldilar.
Seminar yakunida yoshlar o‘rtasida sportning intellektual turi bo‘lmish shaxmat bo‘yicha musobaqa tashkil etildi. Musobaqa natijasida g‘oliblikni qo‘lga kiritgan yoshlar esdalik sovg‘alar bilan taqdirlandi.
@daminovbotirturgunpulatovich
@tashpmi_press
1 минута
17 апреля 2022