РФ Пенсия фонды интернетта мошенниклыкның яңа төре – иминият тупланмаларын кире кайтару турында e-mail аша ялган мәгълүмат таратылуы турында кисәтә. Татарстанлыларга «Яндекс.Почта» сервисында ачылган электрон адреслардан хатлар килә. Хатка “Кире кайтаруны рәсмиләштерергә” дигән төймә урнаштырылган һәм “переводның уникаль номеры” күрсәтелгән. Фонд бүлеге белгечләре бу төймәгә басмаска һәм билгесез сайтларда үз банк карталарыңның мәгълүматларын кертмәскә куша.