Хәл контрольдә тотыла
Узган тәүлектә "Система-112" чакыруларны эшкәртү үзәгенә язгы ташу белән бәйле 16 хәбәр килгән.
7 муниципаль районда (Авыргазы, Баймак, Белорет, Иглин, Күгәрчен, Куергазы районнары һәм Уфа шәһәре) юл участокларында хәрәкәтне чикләү белән бәйле 8 хәл контрольдә тотыла.
Су биеклегенең иң югары күтәрелүе түбәндәге сулыкларда күзәтелә:
*Дәүләкән районының Камчалытамак авылы янында Өршәк елгасында, су биеклегенең тәүлеклек динамикасы +226 см, агымдагы дәрәҗәсе 236 см, елганың тугайга чыгуы 265 см;
* Иглин районы Пятилетка авылы янында Сим елгасында, тәүлек эчендә су биеклеге динамикасы + 79 см, агымдагы дәрәҗәсе 415 см, елганың тугайга чыгуы 616 см.
Республиканың тау һәм дала елгаларында боз капламының җимерелүе һәм боз китү күренешләре күзәтелә. Караидел һәм Агыйдел елгаларында бозлыклар өлешчә саклана, ярыклар барлыкка килә, бозда су күренә, аерым участоклар инде боздан арынган.
Шулай ук, узган тәүлектә Чишмә районында 0,01 га мәйданда 1 ландшафт янгыны булган. Ул оператив рәвештә сүндерелгән.
Хәл контрольдә тотыла.