🔥🔥🔥26 сакавіка 2026 года ў галерэі "Цэнтр" Мінскага абласнога цэнтра народнай творчасці адбылося ўрачыстае адкрыццё выставы дэкаратыўна-прыкладнога мастацтва "Велікодныя матывы".
Свае творы на выставе прэзентуюць носьбіты беларускай традыцыі роспісу велікодных яек.
Сярод таленавітых творцаў - браслаўчанка Тамара Фёдараўна Ундруль, якая шмат гадоў займаецца роспісам яек і валодае асаблівым "браслаўскім" каларытам і густам. Дзякуючы гэтаму яе творы можна пазнаць сярод вялікай колькасці пісанак.
Праграма адкрыцця выставы была вельмі насычанай: праводзіліся майстар-класы, гучалі святочныя песні, з прывітальным словам выступалі навукоўцы і майстры з усёй краіны.
Важнай часткай мерапрыемства стала прэзентацыя кнігі "Беларуская пісанка і яе свет. Майстры і традыцыі". Выданне змяшчае гісторыю і развіццё беларускай пісанкі, артыкулы пра носьбітаў і музейныя калекцыі (ёсць частка і пра калекцыю Браслаўскага раённага аб'яднання музеяў).
