"Ҡарат" БПЛА операторы булып хеҙмәт итеүе һәм йәшәүгә мотивациһы тураһында һөйләне.
“Ҡарат” әйтеүенсә, БПЛА операторы дронды тойорға, һәр модификацияның мөмкинлектәрен белергә, уның һауалағы тәртибен аңларға, тотҡарлыҡтарҙы алдан күрергә тейеш. Сөнки уның эшмәкәрлеге хәрбиҙәрҙең именлегенә һәм ғүмеренә бәйле. Шуға күрә лә Башҡортостанда БПЛА операторҙарын әҙерләүгә хәҙер күп көс һалына. Республика белгестәрҙе уҡытыуҙан тыш, фронтты техника менән дә тәьмин итә. “Өфө ҡоштары” FPV-дрондары алғы һыҙыҡта ысын эш атына әүерелде.
-Улар ярҙамында беҙ дошман позицияларына теүәл һөжүм яһайбыҙ һәм, иң мөһиме, үҙебеҙҙекеләргә кәрәкле әйберҙәрҙе ташыйбыҙ. Мәҫәлән бер ҡош ике баллон һыу ауырлығында йөктө күтәрә ала. Был бик ҙур ярҙам, - тип һыҙыҡ өҫтөнә ала хәрби хеҙмәткәр.
