Правапарадак пачынаецца з супрацоўніцтва
На першым у новым годзе пасяджэнні Слабада-Кучынскага сельвыканкама разгледжана пытанне па прафілактыцы злачынстваў і правапарушэнняў на тэрыторыі сельсавета.
Найважнейшым этапам стаў падрабязны разбор стану крымінальнай абстаноўкі за мінулы год. Разглядаліся канкрэтныя меры па ўзаемадзеянні асноўных структур і органаў, якія забяспечваюць падтрыманне насель-ніцтвам законнасці і парадку. Сярод іх вылучаліся роля ўчастковых інспектараў РАУС, членаў савета грамадскага пункта аховы правапарадку, камісіі па барацьбе з п’янствам ААТ "Старыца-Агра" і іншых суб’ектаў прафілактыкі.
Удзельнікі пасяджэння прыйшлі да высновы аб важнасці каардынацыі намаганняў усіх зацікаўленых бакоў, накіраваных на папярэджанне супрацьпраўных дзеянняў і стварэнне ўмоў для камфортнага пражывання грамадзян на тэрыторыі Слабада-Кучынскага сельсавета.
Дапамога ва ўмовах зімовых маразоў
Марознае надвор’е запатрабавала актывізаваць работу актыву сельвыканкама па абследаванні домаўладанняў адзінокіх і адзінока пражываючых пажылых грамадзян, інвалідаў, шматдзетных сем’яў, а таксама сем’яў і грамадзян, у якіх ёсць прыкметы недабрабыту.
За перыяд з 1 па 20 студзеня абследавана 39 домаўладанняў. Па выніках маніторынгу, а таксама па звароце грамадзян была аказана дапамога. Адзін грамадзянін з абмежаванымі магчымасцямі змешчаны ва ўстанову аховы здароўя.
Аб’ядналі намаганні
Члены валанцёрскага атрада "Доб-рае сэрца" са Старыцкай і Слабадакучынскай школ аказалі дапамогу пажылым людзям у расчыстцы снегу на прыдамавой тэрыторыі (на здымку). Акрамя гэтага, маладыя валанцёры ўзяліся за прыбіранне снегу ля помніка землякам у Слабада-Кучынцы.
Вялікая дапамога па расчыстцы снегу ў населеных пунктах аказана і тэхнікай ААТ "Старыца-Агра", якая з першага дня снегападу была задзейнічана на ачыстцы вуліц. Далей расчышчалі месцы прыпынку і развароту для аўтамагазінаў, пад’езды да крам і грамадзянскіх могілак.
– Сумесныя намаганні школьнікаў і работнікаў сельгаспрадпрыемства прадэманстравалі прыклад эфектыўнай сацыяльнай адказнасці і ўзаемадапамогі, якія садзейнічаюць пераадоленню наступстваў зімовай непагадзі, – падкрэсліла старшыня сельвыканкама Нэла Гусева.
Какие новости в Слобода-Кучинском сельсовете? Рассказываем
