18-нчи январда Хасавюрт районну Эндирей юртуну ювугъунда оьлтюрюлген къубагийикни териси табылгъан. Дагъыстанны Табиатны къорув министерлиги Айрыча къорулагъан табиат территорияларыны Дирекциясыны къуллукъчулары аманлыкъ сакълав къурумлар булан бирликде браконьер ким экенни аян этгенлер. Низамны бузгъан адамгъа къаршы тийишли чаралар гёрюле, материаллар табиатны къорув прокуратурасына йиберилген. Дагъыстанны Табиатны къорув министерлиги эсгереген кюйде, законсуз гьавдан гелген зарал 40 минг манатдан кёп буса, шо иш жинаятчылыкъ жавапгъа тартывгъа гелтире.