📱Цифрлы тигезсезлекне бетерү буенча федераль проект (УЦН 2.0) кысаларында Татарстан Республикасы Рәисе Рөстәм Нургали улы Миңнеханов катнашында Татарстанның кече торак пунктларында 89 база мобиль элемтә станциясен эшләтеп җибәрделәр.
Әлеге программа ярдәмендә безнең районда Урта Нырты авыл җирлегендә LTE стандарты буенча мобиль Интернет база станциясе эшли башлады.
Бу безнең районның цифрлы инфраструктурасын үстерүдә мөһим адым, ул ерак торак пунктларда яшәүчеләргә заманча цифрлы сервислардан һәм хезмәтләрдән сыйфатлы файдалану мөмкинлеге бирәчәк.