"Башҡорт" ялға ҡайтҡан
Яугир 2022 йылдың сентябренән махсус хәрби операция зонаһында өлөшләтә мобилизация сиктәрендә хеҙмәт итә.
Рәсәй Президенты Владимир Путиндың ҡарары менән махсус хәрби операция биләмәһендәге яугирҙәр ике аҙналыҡ ялға ҡайтарыла. Күптән түгел Хәйбулла районы хакимиәтендә ҡыҫҡа ялға ҡайтҡан "Башҡорт" позывнойлы яугир менән осрашыу үткән. Был хаҡта район башлығы Рөстәм Шәрипов үҙенең "Бәйләнештә"ге сәхифәһендә яҙған.
“Бөгөн яҡташыбыҙ - ҡыҫҡа ваҡытлы отпуск ваҡытында тыуған төйәгенә ҡайтҡан махсус хәрби операцияла ҡатнашҡан яугир менән таныштым. Беҙҙең “Башҡорт” 2022 йылдың сентябренән махсус хәрби операция зонаһында өлөшләтә мобилизациялау сиктәрендә хеҙмәт итә. Яҡташтарыбыҙ менән бер рәттән ул да үҙ бурысын лайыҡлы үтәй. Яугир тыйнаҡ ҡына хеҙмәте хаҡында һөйләне һәм ҡыҙыҡһындырған һорауҙарға яуап бирҙе.
Уға ныҡлы һаулыҡ, именлек, хеҙмәтендә артабан да уңыштар һәм тиҙерәк Еңеү менән өйөнә әйләнеп ҡайтыуҙарын теләйем!” – тип яҙған Рөстәм Динислам улы үҙенең сәхифәһендә.
Хәтерегеҙгә төшөрәбеҙ, Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә.
Өфөлә "Төньяҡ амурҙары" исеме аҫтында граждандарҙы контракт буйынса хәрби хеҙмәткә һайлап алыу пункты эшләй башланы. Хәҙер РФ Оборона министрлығы менән контракт төҙөргә теләүселәргә белешмәләр йыйыу һәм медицина тикшереүе үтеү өсөн төрлө адрестар буйынса йөрөргә кәрәкмәй: быларҙың барыһын да бер урында һәм тәүлек эсендә эшләргә мөмкин.
Пунктты Өфө, Элеватор урамы, 15-се йорт адресы буйынса урынлашҡан "Черемушки" һауыҡтырыу шифаханаһы базаһында астылар. Ул ҡалаға көньяҡтан ингән ерҙә, Тирмән комбинаты районында урынлашҡан. Үҙәккә Башҡортостандан да, башҡа төбәктәрҙән дә контракт буйынса хәрби хеҙмәткә инергә теләгән 18 - 65 йәшлек ир-егеттәр мөрәжәғәт итә ала. Уларҙың теркәлеү урыны иҫәпкә алынмай.Үҙегеҙ менән паспорт, хәрби билет, ғаиләгеҙ, белемегеҙ тураһында документтар, СНИЛС һәм ИНН алырға кәрәк.
Үҙәктә хәрби комиссариат хеҙмәткәрҙәре, табиптар һәм банк вәкилдәре эшләй. Кандидаттарҙың мөмкин тиклем тиҙерәк медицина комиссияһын үтеү, анализдар тапшырыу, документтарын тәртипкә килтереү, кәрәк булғанда "Мир" банк картаһын алыу мөмкинлеге бар. Тап ошо картаға бер тапҡыр бирелә торған түләү һәм эш хаҡы киләсәк. Шулай уҡ бында төндө үткәреү өсөн номерҙар фонды, өс тапҡыр ашатыу хеҙмәте ҡаралған. Былар барыһы ла бушлай. Үҙәктән граждандар хәрби командалар составында шунда уҡ хеҙмәт урынына китә.
Башҡортостанда контракт хеҙмәте тураһында тулыраҡ мәғлүмәтте башбат.рф сайтында йәки Ситуация үҙәгендә +7 (347) 218-19-19 телефоны буйынса алырға мөмкин. Шулай уҡ 122 йәки 8 800 550 5525 телефондарына шылтырата алаһығыҙ.
Фото: Рөстәм Шәриповтың "Бәйләнештә"ге сәхифәһенән.
Беҙҙең МАХ каналына max.ru/gazetabash... ҡушылығыҙ!