Яңа ел бәйрәмнәре каникулларын Сәйтәк авылы волонтерлары файдалы шөгыль белән үткәрде. Алар маскировка челтәрләре үреп СВО зонасыннан кыска вакытлы ялга кайткан ир-егетләр артыннан унөч челтәр озатты.
“Рәхмәт” позывнойлы солдат әзер ун челтәрне алып алгы сызыкка юлланды.
“Мара” позывнойлы авылдашыбыз машинасында урын булмау сәбәпле, өч кенә челтәрне алып китә алган иде. Челтәрләрнең күп өлешен “Рэхмәт” позывнойлы егет алып юлга кузгалды. Исəн-сау барып җитсеннəр, безнең үргəн сеткаларыбыз аларга файдага гына булсын. Рəхмəт, кемнəр сетка үрүдə катнашкан”, — дип язды мессенджерлардагы авылдашлар чатында Рәфилә ханым.
Газиз уллары СВОның беренче көненнән алгы сызыкта тыныч тормыш өчен көрәшкән Гөләмзия һәм Рәмзәвил Сафиннар өйләрендә челтәр үрүдән буш вакытта (әле материаллары бетте) тушенкалар каплау белән мәшгуль. Итне Сафиннар үзләре хәстәрләсә, банкалар җыю, итне пешерү, каплауда аларга күршеләре, авылдашлары ярдәмләшә.
Солдатларның туган якларыннан күңел, йөрәк җылысын, җылы теләкләрен кушып үрелгән челтәрләрләр, әзерләнгән ризыклар дошман утына пәрдә булсын! Барлык ир-егетләребез исән-сау хәлдә Җиңү яулап кайтсыннар!
P.S. Материалны кулланганда чыганакка гиперсылтама мәҗбүри.