🗣⭕️⭕️⭕️⭕️
💬Toshkent davlat tibbiyot universiteti 1-sonli Akademik litseyida xalqaro anjuman boshlandi
➡️Bugun Toshkent davlat tibbiyot universiteti 1-sonli Akademik litseyida “Salomatlik va ekologiya: Iqlim o‘zgarishi va uning aholi salomatligiga ta’siri” mavzusidagi Xalqaro ilmiy-amaliy anjuman o‘z ishini rasman boshladi.
➡️Tadbirning ochilish marosimida O‘zbekistonda ekologik barqarorlik, aholining sog‘lom turmush tarzini qo‘llab-quvvatlash va global iqlim o‘zgarishiga qarshi kurashishga qaratilgan davlat strategiyalari alohida ta’kidlandi. Anjumanning asosiy maqsadi — iqlim o‘zgarishi oqibatida yuzaga kelayotgan sog‘liq uchun xavflarni ilmiy asosda baholash va ularni kamaytirish bo‘yicha samarali yondashuvlarni ishlab chiqishdir.
➡️Ushbu nufuzli yig‘inda tibbiyot, ekologiya, epidemiologiya va sog‘liqni saqlash boshqaruvi bo‘yicha yetakchi xalqaro ekspertlar, olimlar hamda tegishli tashkilotlar vakillari qatnashmoqda. Dastur doirasida iqlim o‘zgarishining aholining turli yosh guruhlari salomatligiga ta’siri, atmosfera ifloslanishining profilaktik nazorati, ekologik havfsizlikning yangi standartlari kabi masalalar keng muhokama qilinmoqda.
➡️Anjumanda shuningdek:
🔹global iqlim tendensiyalarining mintaqaviy sog‘liq ko‘rsatkichlariga ta’siri;
🔹 ekologik omillar sabab yuzaga kelayotgan kasalliklarning oldini olish strategiyalari;
🔹 ilmiy tadqiqotlarning amaliy sog‘liqni saqlash tizimi bilan integratsiyasi
kabi yo‘nalishlarda ma’ruzalar tinglanmoqda.
➡️Tadbir yakunida ekspertlar guruhi tomonidan ilmiy asoslangan tavsiyalar to‘plami ishlab chiqilib, ularni sog‘liqni saqlash tizimi, ta’lim sektori va ekologik siyosatni takomillashtirishda qo‘llash rejalashtirilgan.
✅Rasmiy sahifalarimiz:
Telegram | Facebook | Instagram | YouTube | X | Linkedin
