#live
O‘zbekiston va Qozog‘iston tibbiyot yoshlari do‘stlik tadbirlari doirasida Toshkent davlat tibbiyot universitetiga yuqori darajadagi tashrif
Kuni kecha Toshkent davlat tibbiyot universitetida O‘zbekiston va Qozog‘iston tibbiyot yoshlari do‘stlik tadbirlari o‘z faoliyatini boshlagan edi.
Ayni damda ushbu tadbir doirasida universitetga ikki mamlakat sog‘liqni saqlash vazirlari — O‘zbekiston Respublikasi sog‘liqni saqlash vaziri Asilbek Xudoyarov hamda Qozog‘iston Respublikasi sog‘liqni saqlash vaziri Akmoral Alnazarova tashrif buyurdi.
Tashrif davomida mehmonlar Toshkent davlat tibbiyot universitetining ilmiy, ta’limiy va klinik faoliyati bilan tanishmoqda. Shuningdek, tomonlar ikki mamlakat tibbiyot oliygohlari o‘rtasidagi hamkorlik, yosh olimlar almashinuvi, qo‘shma ilmiy loyihalar va sog‘liqni saqlash sohasidagi innovatsion tashabbuslarni muhokama qilmoqda.
Mazkur tashrif O‘zbekiston va Qozog‘iston o‘rtasidagi tibbiyot sohasidagi strategik hamkorlikni yanada mustahkamlash, tajriba almashish va yangi imkoniyatlar yaratish yo‘lidagi muhim qadamlardan biri bo‘lib xizmat qilmoqda.
✅Rasmiy sahifalarimiz:
Telegram | Facebook | Instagram | YouTube | X | LinkedIn
