Шәрип ауылы янынан үткән юлды рәтләү эштәре “Тормош өсөн инфраструктура” милли проектына (национальный проект “Инфраструктура для жизни”) ярашлы башҡарылды, тип хәбәр итә республиканың Транспорт һәм юл хужалығы министрлығы. Юл эшсәндәре асфальт-бетон япмаһын яңыртҡан, юл ситтәрен нығытҡан, юл тамғалары һалған. БР транспорт һәм юл хужалығы министры Любовь Минакова асыҡлауынса, Иҫке Туҡмаҡлы — Мәмәк юлы аша халыҡ Р-240 трассаһына сығып, М-12 “Көнсығыш” федераль трассаһына эләгә. Был юлды хәүефһеҙ һәм уңайлы итеү шуға ла ныҡ мөһим мәсьәлә булған. РФ Президенты В.В. Путин ҡарары менән быйылдан яңыртылған милли проекттар тормошҡа ашырыла. Фото: transport.bashkortostan.ru